The news is by your side.

Advertisement

سابق بھارتی کرکٹر نے خودکشی کرلی

نئی دہلی: بھارتی کرکٹ ٹیم کے سابق اوپنر نے کاروبار میں نقصان ہونے کے بعد پنکھے سے لٹک کر اپنی جان گنوا دی۔

بھارتی میڈیا رپورٹ کے مطابق 57 سالہ سابق بھارتی کرکٹر نے چندرا شیکھر کی پھنکے سے لٹکی لاش اُن کے کمرے سے برآمد ہوئی جسے پولیس نے تحویل میں لے کر اسپتال منتقل کیا۔

پولیس کو دیے جانے والے بیان میں سابق بھارتی کرکٹر کی اہلیہ کا کہنا تھا کہ چندرا شیکھر کرکٹ سے وابستہ کاروبار کرتے تھے گزشتہ دنوں انہیں بڑے پیمانے پر خسارے کا سامنا کرنا پڑا جس کی وجہ سے وہ شدید پریشان تھے۔

سینئر پولیس آفیسر کے مطابق اہلیہ کے بیان کی روشنی میں چندرا شیکھر کی خودکشی کی بظاہر وجہ مالی خسارہ معلوم ہوتی ہے، مقتول کے پاس سے خودکشی کی کوئی آخری تحریر برآمد نہیں ہوئی البتہ کیس کی تحقیقات جاری ہیں۔

چندرا شیکھر کی اچانک موت پر اُن کے ساتھیوں نے گہرے رنچ اور دکھ کا اظہار بھی کیا۔

واضح رہے کہ چندرا شیکھر نے بھارت کی طرف سے 7ون ڈے انٹرنیشنل میچوں میں حصہ لیا تھا جب کہ وہ تامل ناڈو پریمیئر لیگ ٹیم کے مالک اور کرکٹ اکیڈمی بھی چلاتے تھے۔

Comments

comments

یہ بھی پڑھیں