سابق وزیر اعلیٰ پرویز خٹک جہانگیرہ میں اسٹیج گرنے سے زخمی Pervez Khattak
The news is by your side.

Advertisement

پشاور: سابق وزیر اعلیٰ پرویز خٹک اسٹیج سے گر کر زخمی

پشاور: سابق وزیر اعلیٰ خیبرپختونخوا پرویز خٹک جہانگیرہ میں اسٹیج گرنے سے زخمی ہوگئے، اسٹیج سے گرنے پر پرویز خٹک کی کمر میں شدید چوٹ آئی ہے۔

تفصیلات کے مطابق پی ٹی آئی رہنما اور سابق وزیر اعلیٰ خیبرپختونخوا پرویز خٹک جہانگیرہ میں انتخابی مہم کے دوران اسٹیج گرنے سے زخمی ہوگئے، ڈاکٹر نے پرویز خٹک کو آرام کا مشورہ دیتے ہوئے انتخابی مہم چلانے سے روک دیا ہے۔

پی ٹی آئی کی جانب سے واقعے کی تصدیق کرتے ہوئے کہا گیا ہے کہ پرویز خٹک اسٹیج گرنے کے واقعے میں زخمی ہوئے ہیں، حادثے کے نتیجے میں ان کی کمر پر چوٹ آئی ہے۔

پی ٹی آئی کے مطابق ڈاکٹرز نے پرویز خٹک کو دو دن آرام کا مشورہ دیا ہے، پرویز خٹک صحت یاب ہوتے ہی انتخابی مہم کی قیادت کریں گے۔

نمائندہ اے آر وائی نیوز عبدالقادر کے مطابق اس سے پہلے بھی پرویز خٹک کے ساتھ اس طرح کا واقعہ پیش آچکا ہے تاہم تب وہ محفوظ رہے تھے لیکن آج اسٹیج گرنے سے ان کی کمر میں شدید چوٹیں آئی ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں