تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

فروغ نسیم نے وفاقی وزیر قانون کا حلف اٹھالیا

اسلام آباد : : سپریم کورٹ میں آرمی چیف کی مدت ملازمت توسیع کیس کی پیروی کے لیے مستعفی ہونے والے بیرسٹر فروغ نسیم نے وفاقی وزیر قانون کے عہدے کا حلف اٹھالیا، انھوں نے 26 نومبر کو وزیر قانون کے عہدے سے استعفیٰ دیا تھا۔

تفصیلات کے مطابق ایوان صدر میں بیرسٹر فروغ نسیم کی حلف برداری تقریب ہوئی ، جس میں انھوں نے وفاقی وزیر قانون کے عہدے کا حلف اٹھایا، صدر مملکت عارف علوی نے فروغ نسیم سے عہدے کا حلف لیا۔

گذشتہ روز حکومت نے آرمی چیف کی مدت ملازمت توسیع کیس کا فیصلہ آنے کے بعد بیرسٹر فروغ نسیم کو دوبارہ وزیر قانون بنانے کا فیصلہ کیا گیا تھا۔

اس سے قبل سپریم کورٹ کی جانب سے فیصلہ آنے کے بعد فروغ نسیم نے پریس کانفرنس کرتے ہوئے کہا تھا بطوروزیرقانون استعفیٰ ملک کےلیےرضاکارانہ طورپردیا، وفاقی کابینہ نے میرے فیصلے کی تعریف کی جس پر مشکور ہوں، پٹیشن ختم ہوگئی ہے،کوئی تلوارنہیں لٹکی ہوئی، آرمی چیف جنرل قمرجاویدباجوہ مدت ملازمت پوری کریں گے۔

مزید پڑھیں : فروغ نسیم کو دوبارہ وزیر قانون بنانے کا فیصلہ

خیال رہے فروغ نسیم نے پاکستان بار کونسل کی رکنیت سےاستعفیٰ دے دیا تھا ، فروغ نسیم کےاستعفے کے باعث پاکستان بار کونسل کی سندھ کی نشست خالی ہوئی ، جس کے بعد ایڈووکیٹ یاسین آزاد کو نشست پر مقرر کر دیا گیا تھا۔

یاد رہے 26 نومبر فروغ نسیم نے آرمی چیف جنرل قمر جاوید باجوہ کی سپریم کورٹ میں مدت ملازمت سے متعلق کیس کی پیروی کرنے کے لیے وزیر قانون کے عہدے سے استعفیٰ دیا تھا، جسے وزیر اعظم عمران خان نے منظور کرلیا تھا، فر وغ نسیم کے مستعفی ہونے کے بعد وزیراعظم عمران خان کے کابینہ اراکین کی تعداد 49 سے کم ہوکر 48 جبکہ وفاقی وزرا 25 سے کم ہوکر 24 ہوگئی تھی۔

واضح رہے سپریم کورٹ نے آرمی چیف جنرل قمرجاوید باجوہ کی مدت ملازمت میں 6 ماہ کی توسیع کردی اور قانون سازی کیلئے معاملہ پارلیمنٹ بھیجنے کی ہدایت کرتے ہوئے کہا تھا کہ آرمی چیف جنرل قمر باجوہ اپنے عہدے پر برقرار رہیں گے۔

Comments

- Advertisement -