سابق رکن قومی اسمبلی علی رضا عابدی نےایم کیوایم کوخیرباد کہہ دیا -
The news is by your side.

Advertisement

سابق رکن قومی اسمبلی علی رضا عابدی نےایم کیوایم کوخیرباد کہہ دیا

کراچی : سابق رکن قومی اسمبلی علی رضا عابدی نے ایم کیو ایم پاکستان کی بنیادی رکنیت سے استعفیٰ دے دیا۔

تفصیلات کے مطابق سابق رکن قومی اسمبلی علی رضا عابدی نے حلقہ این اے 243 کے ضمنی انتخاب سے قبل ہی متحدہ قومی موومنٹ کو خیرباد کہہ دیا۔

سابق رکن قوم اسمبلی نے گزشتہ روز اپنا استعفیٰ ایم کیو ایم کنوینئر خالد مقبول صدیقی کو بھجوایا اور سماجی رابطے کی ویب سائٹ ٹویٹر پر بھی اسے شیئر کیا۔

علی رضا عابدی نے ٹویٹرپراستعفے کی تصویر شیئر کی اور اپنے پیغام میں لکھا کہ پارٹی چھوڑنے کی وجہ ذاتی ہے۔

ذرائع کا کہنا ہے کہ سابق رکن قومی اسمبلی نے این اے 243 پرضمنی انتخاب کے لیے نظرانداز کیے جانے پردل برداشتہ ہوکراستعفیٰ دیا۔

فیصل سبزواری کپتان کی نشست پرالیکشن لڑیں گے

یاد رہے کہ تین روز قبل متحدہ قومی موومنٹ پاکستان کے رہنما فیصل سبزواری نے این اے 243 سے الیکشن لڑنے کے لیے کاغذات نامزدگی جمع کروائے تھے۔

واضح رہے کہ عام انتخابات 2018 میں کراچی کے حلقہ این اے 243 کی نشست پرموجودہ وزیراعظم عمران خآن نے کامیابی حاصل کی تھی اور اب اس نشست پر14 اکتوبرکو ضمنی الیکشن ہوگا۔

Comments

comments

یہ بھی پڑھیں