راولپنڈی پولیس نے سابق رکن قومی اسمبلی جمشید دستی کو گرفتار کرلیا ہے ان پر مظفر گڑھ میں خیانت مجرمانہ کا مقدمہ درج ہے۔
اے آر وائی نیوز کے مطابق راولپنڈی پولیس نے سابق رکن قومی اسمبلی جمشید دستی کو گرفتار کرلیا ہے، گرفتاری کے قبل جمشید دستی نے ہوٹل میں چیک ان کیا تھا۔
ذرائع کا کہنا ہے کہ جمشید دستی کی گرفتاری مظر گڑھ میں درج خیانت مقدمہ میں عمل میں لائی گئی ہے جس میں انکے خلاف 38 لاکھ روپے خورد برد کا الزام ہے۔
ذرائع کے مطابق سابق ایم این کے خلاف مقدمہ ٹرک ڈرائیورز ایسوسی ایشن کی جانب سے درج کرایا گیا تھا، جمشید دستی کو ابتدائی طور پر نیو ٹاؤن پولیس کے حوالے کیا گیا ہے، بعد ازاں انہیں مظفر گڑھ پولیس کے حوالے کیا جائےگا۔
Comments
- Advertisement -
