The news is by your side.

Advertisement

پی آئی اے کے سابق پائلٹ نے نیپال میں ملک کا نام روشن کر دیا

کراچی: کرونا وائرس کی وبا کے دوران ایک پاکستانی پائلٹ کا کارنامہ بھی سامنے آ گیا ہے، قومی ایئرلائن کے ایک سابق پائلٹ نے نیپال میں پاکستان کا نام روشن کر دیا۔

اے آر وائی نیوز کے مطابق پی آئی اے کے ٹیگ لائن باکمال لوگ لاجواب سروس کے بعد اب باکمال لوگ لاجواب کارنامہ بھی سامنے آ گیا ہے، کرونا وائرس کی وبا کے دوران شان دار خدمات انجام دینے پر پاکستانی پائلٹ جاوید چوہدری کو نیپال حکومت کی جانب سے باقاعدہ خراج تحسین پیش کیا گیا۔

پی آئی اے کے سابق پائلٹ جاوید چوہدری کو چین کے شہر گوانگزو سے نیپال کے شہر کھمنڈو تک امدادی پرواز چلانے پر نیپال کے قومی ٹی وی پر حکومت کی جانب سے خراج تحسین پیش کیا گیا۔

پی آئی اے کے سابق پائلٹ جاوید چوہدری طیارے کے کاک پٹ میں

اٹلی میں پاکستانی کمیونٹی نے ملک کا نام روشن کر دیا

پائلٹ جاوید چوہدری نیپال ایئر کی پرواز پر کرونا وائرس سے بچاؤ کا طبی سامان لے کر پہنچے تھے، نیپالی ٹی وی نے کہا کہ پی آئی اے کے سابق کپتان نے کرونا وائرس کے خوف میں بھی بہادری کی مثال قائم کی ہے۔

خیال رہے کہ دو دن قبل کرونا وائرس کے سب سے بدترین شکار ملک اٹلی کے شہر کارپی میں بھی پاکستانی کمیونٹی نے ملک کا نام روشن کر دیا تھا، پاکستانی کمیونٹی نے کارپی کے میئر کو کرونا وائرس سے بچاؤ فنڈ میں 10 ہزار 300 یورو عطیہ کیے، جس پر میئر کارپی نے پاکستانی کمیونٹی کا خصوصی شکریہ ادا کیا تھا۔

fb-share-icon0
Tweet 20

Comments

comments

یہ بھی پڑھیں