The news is by your side.

Advertisement

مسلم لیگ ن کے سابق ایم پی اے اور خواجہ آصف کے قریبی ساتھی پی ٹی آئی میں شامل

اسلام آباد: تحریک انصاف نے مسلم لیگ ن کی ایک اور وکٹ گرادی، سیالکوٹ میں خواجہ آصف کا قریبی ساتھی پی ٹی آئی میں شامل ہوگئے۔

تفصیلات کے مطابق سیالکوٹ سے مسلم لیگ ن کے سابق ایم پی اے چوہدری اخلاق نے پی ٹی آئی کے سربراہ عمران خان سے ملاقات کی اور  پاکستان تحریک انصاف میں شمولیت کا اعلان کیا، ملاقات کے دوران جہانگیر ترین، عثمان ڈار اور عمر ڈار بھی شریک تھے۔

اس موقع پر چوہدری اخلاق کا کہنا تھا کہ وہ غیر مشروط طور پر پارٹی میں شامل ہوئے ہیں اور وہ پارٹی کی مضبو طی کے لئے اپنا بھر پور کر دار ادا کریں گے ۔

خیال رہے کہ چوہدری اخلاق پچیس سال سے مسلم لیگ نواز کا حصہ تھے اور سیالکوٹ میں وزیر دفاع خواجہ آصف کے قریبی ساتھی تصور کئے جاتے ہیں، چوہدری اخلاق 2008 کے الیکشن میں سیالکوٹ پی پی 122 سے مسلم، لیگ ن کے ایم پی اے منتخب ہوئے تھے۔


مزید پڑھین : لیگی رکن سندھ اسمبلی اسماعیل راہو پی پی میں شامل


اس سے قبل گذشتہ روز مسلم لیگ ن کے اسماعیل راہو سندھ اسمبلی سے مستعفی ہوکر پیپلز پارٹی میں شامل ہوگئے تھے اور وہ آج بدین کے جلسے میں باقاعدہ طور پر پیپلز پارٹی میں شمولیت کا اعلان کرینگے۔

مسلم لیگ نواز کی مرکزی قیادت نے نواز لیگ سندھ کے صدر محمد اسماعیل راہو کو پیپلز پارٹی میں شمولیت کی کوششوں کے بعد عہدے سے ہٹا کر ان کی جگہ صدر ڈسٹرکٹ بار لاڑکانہ بابو سرفراز جتوئی ایڈووکیٹ کو مسلم لیگ (ن) سندھ کا نیا صدر مقرر کردیا تھا۔

واضح رہے کہ اس سے قبل مسلم لیگ ن کے رہنما امداد چانڈیو اور  سینئیر رہنما عبدالحکیم بلوچ بھی پیپلز پارٹی میں شامل ہوچکے ہیں، امداد چانڈیو کا مسلم لیگ ن سندھ کے انتہائی سینئر رہنماؤں میں شمار ہوتا تھا۔

Print Friendly, PDF & Email

Comments

comments

یہ بھی پڑھیں