مسلم لیگ ن کے رہنما اور سابق ایم پی اے شہزاد منشی پاکستان تحریک انصاف میں شامل
The news is by your side.

Advertisement

مسلم لیگ ن کے رہنما اور سابق ایم پی اے شہزاد منشی پاکستان تحریک انصاف میں شامل

لاہور: پاکستان تحریک انصاف نے مسلم لیگ ن کی ایک اور وکٹ گرا دی ، مسلم لیگ ن کے سابق رکن صوبائی اسمبلی شہزاد منشی  ن لیگ کو خیرباد کہہ کر پی ٹی آئی میں شامل ہو گئے۔

تفصیلات کے مطابق مسلم لیگ ن کے رہنما اور سابق ایم پی اے شہزاد منشی نے گورنر پنجاب چوہدری سے ملاقات کی اور پاکستان تحریک انصاف میں شمولیت اختیار کرلی۔

اس موقع پر گورنر پنجاب سرور نے کہا شہزاد منشی کو پی ٹی آئی میں خوش آمدید کہتے ہیں، اقلیتوں کے حقوق کا مکمل خیال رکھیں گے اور ان کی آواز بنیں گے۔

شہزاد منشی کا کہنا تھا کہ پی ٹی آئی کی مضبوطی کے لئے متحرک انداز میں کام کروں گا اور این اے41 میں ہمایوں اختر خان کو کامیاب کرائیں گے۔

اس موقع پر راجہ عارف آصف بھٹی، سیمسن بھٹی، اسحاق، امین گل، سلیم گل، آفتاب مبارک، شریف مسیح، روبن سہوترا، رابنسن، فلک شیر گل، عاطف بخش، رمیض مسیح سمیت دیگر لوگ بھی موجود تھے۔

یاد رہے اگست کے آخر میں پیپلز پارٹی کے تین اہم رہنما حاجی مظفرشجرہ، عبدالقادربلوچ، عبدالباری جیلانی نے تحریک انصاف میں شمولیت اختیار کی تھی۔

تحریک انصاف کراچی صدر فردوس شمیم نقوی نے پریس کانفرنس کرتے ہوئے پیپلز پارٹی کے رہنماؤں کو خوش آمدید کہا تھا۔

اس سے قبل قومی اسمبلی کے حلقہ این اے 205 سے کامیاب آزاد امیدوار سردار علی محمد مہر نے پاکستان تحریک انصاف میں شمولیت  اختیار کی تھی۔

Comments

comments

یہ بھی پڑھیں