The news is by your side.

Advertisement

سابق وزیراعظم نوازشریف کاقافلہ پنجاب ہاؤس پہنچ گیا

اسلام آباد : سابق وزیراعظم میاں محمد نوازشریف مری سے قافلے کی صورت میں اسلام آباد کے پنجاب ہاؤس پہنچ گئے۔

تفصیلات کے مطابق سابق وزیراعظم نوازشریف فیملی کے ہمراہ مری چھانگلہ گلی سے اسلام آباد کے لیے روانہ ہوئے، مری میں کلڈنہ اور جھیکا گلی پر کارکنان نے نوازشریف کا استقبال کیا۔

اس موقع پر کارکنان نے شدید نعرے بازی کرتے ہوئے’شیر آیا، شیرآیا‘ کے نعرے لگائے۔ کارکنان کے جوش و ولولے کو دیکھ کر نواز شریف بھی اپنے گاڑی سے باہر آگئے اور انہوں نے مسکراتے ہوئے ہاتھ ہلا کر لوگوں کی نعرے بازی کا جواب بھی دیا۔

نوازشریف کی گاڑی ان کے بڑے صاحبزادے حسین نواز چلارہے تھے جبکہ اس موقع پر ان کے ساتھ سخت سیکورٹی بھی موجود تھی۔

اسلام آباد میں بارہ کہو اٹھال چوک پر کارکنان نے میاں نوازشریف کا استقبال کیا، پارٹی پرچم اور پلے کارڈز اٹھائے کارکنان نے اپنے قائد کی گاڑی پر پھولوں کی پتیاں نچھاور کیں اور نعرے بازی بھی کی۔

سابق وزیراعظم نوازشریف کا قافلہ پنجاب ہاؤس پہنچا توپارٹی چیرمین راجہ ظفر الحق، وفاقی وزیر احسن اقبال، پرویز رشید، آصف کرمانی، وزرائے مملکت مریم اورنگزیب، دانیال عزیز اور طلال چوہدری سمیت دیگر پارٹی رہنماؤں نے نوازشریف کا استقبال کیا۔


نوازشریف اور ڈاکٹرطاہرالقادری کی لاہور آمد ، پولیس ملازمین کی چھٹیاں منسوخ


واضح رہے کہ سابق وزیراعظم نوازشریف پنجاب ہاؤس میں ایک روز قیام کے بعد کل ریلی کی صورت میں لاہورروانہ ہوں گے۔ جس کےلیے لیگی کارکنوں نے استقبال کی تیاریاں شروع کر دیں ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں