The news is by your side.

Advertisement

ایم کیوایم کے مزید تین رہنما پاک سرزمین پارٹی میں‌ شامل

کراچی: ایم کیوایم کے مزید تین رہنما پاک سرزمین پارٹی کے قافلے میں شامل ہوگئے۔

ایم کیو ایم کے مزید تین رہنما سیف یار خان ،عبید اللہ بلیدی اور عطااللہ کرد نے مصطفیٰ کمال کے ہمراہ پریس کانفرنس میں کارکنان کے ہمراہ پاک سر زمین پارٹی میں شمولیت کا اعلان کیا،سیف یار خان ایم کیو ایم کی کورڈینیشن کمیٹی کے رہنما تھے جبکہ عطا للہ کرد ایم کیو ایم رابطہ کمیٹی بلوچستان کے رکن تھے۔

اس موقع پر مصطفیٰ کمال نے کہا کہ سیف یار خان ابھی تک بہت اچھے ہیں تھوڑی دیر بعد ادھر سے برائی کا سرٹفیکیٹ ملے گا۔ مصطفیٰ کمال نے کہا کل کے جلسے کے لیے ٹرانسپورٹ ، فوڈ ، پارکنگ اور اسٹیج کمیٹیاں بن گئی ہیں۔ آج ہماری پارٹی کو ٹوٹل 30 دن ہو گئے ہیں اللہ کا بہت شکر ہے کراچی کے لوگوں کو کل کے جشن میں مدعو کرتا ہوں۔

سیف یار خان نے بات کرتے ہوئے کہا کہ کراچی پر مافیا کا قبضہ ہے جس کا قائد متحدہ سربراہ ہے، مہاجر قوم کو قومی دھارے میں شامل کریں۔

انہوں نے کہا اپنے ماں ، باپ کی نہیں متحدہ قائد کی سالگرہ کی تاریخ یاد رکھی۔ تیس سال ایم کیو ایم کیساتھ وفاداری نبھائی، ملک و قوم کو بچانے کے لیے سب کو ساتھ دینا ہو گا، حکومت کی ذمہ داری ہے کہ وہ را کے معاملے کو دیکھے۔

سیف یار خان نے کہا کوئی کچھ بھی کہے ہمیں مسئلہ نہیں مجھے کسی نمبر سے نہیں الٹا میں نے رابطہ کر کے کہا تھا کہ جوائن کرنا چاہتا ہوں۔

Print Friendly, PDF & Email

Comments

comments

یہ بھی پڑھیں