The news is by your side.

Advertisement

عرصہ درازسےجنوبی کشمیر ہمارےکنٹرول میں نہیں، سابق بھارتی را چیف کے تہلکہ خیز انکشافات

پاکستان سےبات کئےبغیر کوئی چارہ نہیں

نئی دہلی : سابق بھارتی را چیف ایس اے دُلت نے کا کہنا ہے کہ عرصہ درازسےجنوبی کشمیر ہمارےکنٹرول میں نہیں، اسکااعتراف کئی سینئر آرمی  افسران اور  آرمی کمانڈرجنرل ہڈانے بھی کیا تھا، پاکستان سےبات کئےبغیر کوئی چارہ نہیں۔

تفصیلات کے مطابق سابق بھارتی را چیف ایس اے دُلت نے ایک انٹر ویو میں تہلکہ خیز انشافات کرتے ہوئے کہا عرصہ درازسے جنوبی کشمیر ہمارےکنٹرول میں نہیں جوکچھ ہورہاہےوہ ہمارے قابومیں نہیں اور زمینی حقائق ہماری گرفت میں نہیں، اس کا اعتراف بہت سینئرآرمی افسراوراپنےوقت کے آرمی کمانڈرجنرل ہڈانے بھی کیاتھا۔

جب تمام گاؤں کےگاؤں حریت پسندوں کی حمایت میں آجائیں تو آرمی کیا کرسکتی ہے

ایس اے دُلت کا کہناتھا کہ جب تمام گاؤں کےگاؤں حریت پسندوں کی حمایت میں آجائیں تو آرمی کیا کرسکتی ہے ہم اپنا کام کر چکے اب جو کرنا ہےسیاستدانوں نےکرناہے فوجی لشکرکشی پالیسی اب تک کام نہیں آسکی اور مستقبل میں بھی کام نہیں آسکےگی۔

سابق بھارتی را چیف نے پلوامہ حملے کو انٹیلی جنس کی ناکامی قرار دیتے ہوئے کہا اس قدر بڑی شورش اورحریت پسندی کو فوج کنٹرول نہیں کرسکتی، پاکستان سےبات کئےبغیر کوئی چارہ نہیں۔

عمران خان کسی بھی پاکستانی سے زیادہ ہندوستانی کو جانتے ہیں

ایس اے دُلت نے عمران خان کی لیڈرشپ کی تعریف کرتے ہوئے کہا وہ کپتان ہیں، انہوں نے ہی ورلڈکپ جتوایا تھا، ان پر طعنہ زنی ہمارے مفاد میں نہیں، وہ کسی بھی پاکستانی سے زیادہ ہندوستانی کو جانتے ہیں، ہمارے سارے سینئرکرکٹرز ان کےدوست ہیں۔

یاد رہے جون 2018 میں بھارتی آرمی چیف نے مقبوضہ کشمیر میں ناکامی کا اعتراف کرتے ہوئے کہا تھا کہ جتنے نوجوان مارتے ہیں، ان سے زیادہ تحریکِ آزادی میں شامل ہو جاتے ہیں۔

Comments

comments

یہ بھی پڑھیں