The news is by your side.

Advertisement

خلائی فورس کی بنیاد ڈال دی، دفاع کے لیے سب کچھ کریں گے: ٹرمپ

اوہائیو: امریکی صدر ڈونلڈ ٹرمپ نے کہا ہے کہ امریکی خلائی فورس کی بنیاد ڈال دی گئی ہے، امریکیوں کی زندگیوں کے دفاع کے لیے کسی بھی اقدام سے گریز نہیں کریں گے۔

ان خیالات کا اظہار وہ ریاست اوہائیو کے شہر ٹلیڈو میں انتخابی ریلی سے خطاب کرتے ہوئے کر رہے تھے، امریکی صدر نے کہا ہماری فوج پہلے سے زیادہ مضبوط ہے، خلائی فورس کی بنیاد ڈال دی، ہمارے پاس نئے لڑاکا طیارے، میزائل اور سبب کچھ ہے۔

ٹرمپ کا کہنا تھا کہ پچھلے سال اکتوبر میں امریکی فوج نے البغدادی کو ٹھکانے لگایا، 3 سال میں داعش کے ہزاروں جنگجوؤں کو ہلاک اور ہزاروں کو قید کیا، ہم نے داعش کو تھوڑے ہی عرصے میں ختم کر کے دکھایا۔

امریکی صدر نے کہا کہ قاسم سلیمانی نے مشرق وسطیٰ میں تباہی و بربادی پھیلائی، قاسم سلیمانی نے حال ہی میں امریکی فوجیوں پر بھی راکٹ حملہ کرایا، وہ مزید حملوں کی منصوبہ بندی کر رہا تھا، میرے احکامات پر امریکی فوج نے قاسم سلیمانی کو ہلاک کیا۔

ان کا کہنا تھا قاسم سلیمانی دنیا کا سب سے بڑا دہشت گرد تھا، وہ امریکی سفارت خانے کو تباہ کرنے کا منصوبہ بنا رہا تھا، مزید کئی حملوں کی منصوبہ بندی بھی کر رہا تھا۔

یاد رہے کہ عراق کے شہر بغداد میں ایئرپورٹ کے قریب 3 جنوری بہ روز جمعہ، امریکی ڈرون حملے میں ایرانی جنرل قاسم سلیمانی کو ہلاک کیا گیا تھا، ایرانی ملیشیا کے دیگر اہم افراد بھی اس حملے میں ہلاک ہوئے۔ واقعے کے بعد ایران کی جانب سے سخت رد عمل آیا، اور بغداد میں امریکی فوجی اڈوں پر درجنوں میزائل داغے گئے، جس میں 80 افراد کی ہلاکت کا دعویٰ کیا گیا۔

fb-share-icon0
Tweet 20

Comments

comments

یہ بھی پڑھیں