The news is by your side.

Advertisement

اے آر وائی گروپ کے بانی حاجی عبدالرزاق یعقوب کو بچھڑے5برس بیت گئے

کراچی : معروف کاروباری، سماجی و فلاحی شخصیت اور اے آر وائی گروپ کے بانی چئیرمین حاجی عبدالرزاق یعقوب کی آج پانچویں برسی منائی جارہی ہے۔

دنیا میں ایسی شخصیات کم ہی پیدا ہوتی ہیں جو اپنی طلمساتی شخصیت سے ایسی صورتحال پیدا کردیں کہ انہیں ان کے جانے کے بعد بھی بھلایا نہ جاسکے، ان ہی میں ایک عاشق رسول، سخاوت کے پیکر، انسان دوست، معروف سماجی و فلاحی شخصیت اور اے آر وائی گروپ کے بانی چئیرمین حاجی عبدالرزاق ہیں جن کو ہم سے بچھڑے پانچ برس بیت گئے۔

انسانیت کا درد رکھنے والے حاجی عبدالرزاق نے اپنے سماجی کاموں سے دنیا کے لیے مثال قائم کی۔ آپ انیس سو چوالیس میں بھارتی ریاست گجرات میں پیدا ہوئے، انتہائی قلیل سرمائے سے اپنے کاروبار کا آغاز کیا اور انیس سو باہتر میں اے آر وائی کی بنیاد رکھی۔

حاجی عبدالرزاق نے ہزاروں افراد کو روزگار کے مواقع فراہم کیے۔ مرحوم عظیم وژن رکھنے والی شخصیت تھے۔ ان کی خدمات کو عالمی سطح پر تسلیم کیا گیا۔ انہوں نے شب و روز محنت سے ملک کا نام روشن کیا۔

مرحوم نے دوہزار ایک میں دبئی میں ورلڈ میمن آرگنائزیشن کی بنیاد رکھی۔ تجارتی پالیسی پر حکومت کو اہم اور مفید مشورے دئیے۔ پاکستان میں پہلے مذہبی چینل کیو ٹی وی کی بنیاد کا سہرا بھی انہی کے سرجاتا ہے۔

حاجی عبدالرزاق نے خواجہ غریب نواز ویلیفئر ٹرسٹ انٹرنیشنل اور احساس انٹرنیشنل ٹرسٹ کی بنیاد رکھی۔ انہیں ان کی خدمات کے اعتراف میں متعدد ملکی اور بین الاقوامی اعزازات سے بھی نوازا گیا۔

یہ اہم شخصیت اکیس فروری دوہزار چودہ کو اس جہان فانی سے کوچ کرگئی۔ ان کی ملک و ملت کے لیے خدمات ہمیشہ یاد رکھی جائیں گی۔

Comments

comments

یہ بھی پڑھیں