site
stats
عالمی خبریں

لندن میں 90 منٹ میں 4 تیزاب گردی کے واقعات

لندن : مشرقی لندن میں نوے منٹ میں چار تیزاب گردی کے واقعات پیش آئے، چار افراد پر الگ الگ مقام پر تیزاب پھینکا گیا، چاروں افراد کو اسپتال منتقل کردیا گیا۔

لندن میں تیزاب گردی کے واقعات میں اضافہ میں ہورہا ہے ، لندن کے مشرقی علاقوں میں ڈیڑھ گھنٹے کے دوران تیزاب گردی کے چار واقعات پیش آئے، چار افراد پر الگ الگ مقام پر تیزاب پھینکا گیا، لندن پولیس کے مطابق چاروں افراد کو اسپتال منتقل کردیا گیا۔

پہلا واقعہ کوئنز برج روڈ پر پیش آیا، موٹر سائیکل پر سوار افراد نے نوجوان پر تیزاب پھینکا اور اسے لوٹ کر فرارہوگئے، حملے میں نوجوان کا چہرہ زخمی ہو گیا، پولیس کا کہنا ہے کہ دو حملہ آوروں نے متاثرہ شخص کے چہرے پر تیزاب کا سپرے کیا اور اس کی موٹر سائیکل بھی چھین لی۔

تیزاب پھینکنے کا دوسراواقعہ شورڈچ ہائی اسٹریٹ پیش آیا، یہاں بھی موٹر سائیکل پر سوار دو افراد نے حملہ کیا۔

تیسرا واقعہ کزینو روڈ میں ہوا ، جہاں چوری کے دوران ملزمان شخص پر تیزاب پھینک کر فرار ہوگئے، حملے میں نوجوان کا چہرہ متاثر ہوا۔


 مزید پڑھیں : لندن: مسلم خاتون پر تیزاب سے حملہ


چوتھا واقعہ چیٹ سورتھ روڈ پر پیش آیا جہاں موٹر سائیکل سوار پر تیزاب پھینکا گیا۔

لندن پولیس کے مطابق مختلف علاقوں میں تیزاب گردی کے واقعات آپس میں منسلک ہیں، ملزمان کی تلاش کیلئے چھاپوں کا سلسلہ جاری ہے، تاہم ابھی تک کوئی گرفتاری عمل میں نہیں آئی۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top