The news is by your side.

Advertisement

ملتان میں مبینہ پولیس مقابلہ‘ 4 ملزمان ہلاک

ملتان : صوبہ پنجاب کے شہر ملتان میں مبینہ پولیس مقابلے میں چار ملزمان ہلاک جبکہ 3 فرار ہونے میں کامیاب ہوگئے۔

تفصیلات کے مطابق ملتان میں تھانہ سیتل ماڑی پولیس نشاندہی کے لیے ڈکیتی کے ملزم اجمل اور اشرف کو لےجارہی تھی کہ این ایل سی بائی پاس کے قریب نامعلوم افراد نے پولیس موبائل پر فائرنگ کردی۔

پولیس کی جوابی فائرنگ میں دوحملہ آوراورحملہ آوروں کی فائرنگ سے نشاندہی کے لیے لے جائے جانے والےدونوں ملزمان ہلاک ہو گئے۔

پولیس حکام کے مطابق تین حملہ آور فرار ہونے میں کامیاب ہوگئے، ہلاک حملہ آوروں کی شناخت عبدالمالک اور قمر کے نام سے ہوئی ہے۔

ترجمان پولیس کے مطابق ملزمان ڈکیتی کی واردات کے دوران خاتون سے اجتماعی زیادتی میں بھی ملوث تھے۔


ملتان میں سی ٹی ڈی کی کارروائی‘ 2 دہشت گرد ہلاک


خیال رہے کہ گزشتہ ہفتے صوبہ پنجاب کے شہرملتان میں سی ٹی ڈی نے کارروائی کرتے ہوئے 2 دہشت گردوں کو ہلاک کردیا جبکہ 3 فرار ہونے میں کامیاب ہوگئےتھے۔

یاد رہے کہ رواں ماہ 3 دسمبر کو سی ٹی ڈی نے فیصل آباد میں کارروائی کرتے ہوئے تین دہشت گردوں کو ہلاک کردیا تھا جبکہ دو فرار ہونے میں کامیاب ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں