The news is by your side.

Advertisement

نسلہ ٹاور کو گرانے کیلئے 4 کمپنیاں شارٹ لسٹ کرلی گئیں

کراچی : نسلہ ٹاور کو گرانے کیلئے 4 کمپنیوں کو شارٹ لسٹ کرلیا گیا اور تمام شارٹ لسٹ کمپنیوں کو کوٹیشن جمع کرانے کی ہدایت کردی۔

تفصیلات کے مطابق کراچی میں واقع نسلہ ٹاور کو گرانے سے متعلق بنائی گئی کمیٹی کا اجلاس ہوا ، اجلاس میں 5کمپنیوں کی جانب سے پریزنٹیشن دی گئی۔

کمیٹی نے اجلاس میں4 کمپنیوں کو شارٹ لسٹ کرلیا اور تمام شارٹ لسٹ کمپنیوں کو کوٹیشن جمع کرانے کی ہدایت کردی۔

ذرائع کا کہنا ہے کہ نسلہ ٹاورکومسمارکرنےمیں2سے3 ماہ لگ سکتےہیں، 2کمپنیوں نے بلاسٹنگ اور2 نے مینوئل طریقہ کارکی پریزینٹیشن دی ہے۔

ڈپٹی کمشنر نے کہا ہے کہ دونوں طریقوں پرغورکیاجارہاہے، جمعہ سے پہلے رپورٹ مکمل کرکے کمشنرکراچی کوجمع کرائیں گے۔

کمشنر کراچی کی بنائی گئی 8رکنی کمیٹی حتمی فیصلہ کرے گی ، سب سے محفوظ،تیز اور کم خرچ پیشکش کا انتخاب کیا جائے گا۔

یاد رہے غیر ملکی کمپنی نے نسلہ ٹاور گرانے کیلئے پیشکش کرتے ہوئے جدید طریقے سے عمارت منہدم کرنے کا دعویٰ کیا تھا۔

واضح رہے کہ سپریم کورٹ نے کراچی میں شاہراہ فیصل پر قائم نسلہ ٹاور کو ایک ہفتے میں بم کی مدد سے گرانے کا حکم جاری کیا تھا۔

Comments

یہ بھی پڑھیں