ابوظبی : اماراتی عدالت نے دہشت گردی اور تخریب کاری کے الزام میں چار عرب شہریوں کو سزائے موت سنا دی۔
تفصیلات کے مطابق متحدہ عرب امارات کے دارالحکومت ابوظبی کی عدالت نے دہشت گردی سے متعلق کیس کی سماعت کرتے ہوئے چار عرب شہریوں کو سزائے موت سنائی ہے جن پر حزب اللہ لبنان سے منسلک ہونے کا الزام تھا۔
اماراتی خبر رساں ادارے کا کہنا تھا کہ حزب اللہ سے منسلک چاروں ملزمان جو اے ایم، این، ایف اے ایس اور اے ٹی ایس کے نام سے جانے جاتے تھے قومی سلامتی کو نقصان پہنچانے اور ملک میں دہشت گردی اور تخریب کاری کی منصوبہ بندی کررہے تھے۔
مقامی میڈیا کا کہنا تھا کہ عدالت نے حزب اللہ سے منسلک دو دیگر افراد کو دس دس برس قئد کی سزا سنائی ہے، جو ایچ ایم بی اور اے این ایم اے ایس کے نام سے جانے جاتے ہیں اور دونوں عرب شہری ہیں۔
مقامی خبر رساں ادارے کا کہنا تھا کہ عدالت نے ملزمان کی سزا مکمل ہونے کے بعد انہیں ملک بدر کرنے کا حکم بھی سنایا ہے، عدالت نے انہیں مقدمات کی قانونی فیس خود ادا کرنا ہوگی۔
میڈیا ذرائع کا کہنا تھا کہ عدالت نے اے این ایم اے ایس کو غیر قانونی ایئر گن رکھنے اور 5 عرب شہریوں کو فرار کرنے کے جرم میں 3ہزار درہم جرمانے کی سزا بھی سنائی ہے۔