کوئٹہ: ہزارگنجی میں سبزی منڈی کے گیٹ پر دھماکے کے نتیجے میں 4 افراد زخمی ہوگئے ، ترجمان سی ٹی ڈی کا کہنا ہے کہ بارودی مواد ٹائم ڈیوائس کے ذریعے نصب کیا گیا تھا۔
تفصیلات کے مطابق کوئٹہ کے علاقہ ہزارگنجی میں سبزی منڈی کے گیٹ پر دھماکا ہوا ، جس کے نتیجے میں 4 افراد زخمی ہوگئے ، جنہیں اسپتال منتقل کردیا گیا ہے ، دھماکہ سے قریبی عمارتوں کے شیشے ٹوٹ گئے۔
پولیس اور دیگرسرکاری حکام جائے وقوع پہنچ گئے ہیں اور شواہد اکٹھے کئے جارہے ہیں۔
- Advertisement -
ترجمان سی ٹی ڈی کا کہنا ہے کہ بارودی موادٹائم ڈیوائس کےذریعے نصب کیا گیاتھا، دھماکےمیں ایک کلوبارودی مواداستعمال کیاگیا جبکہ دھماکے میں 4 افرادزخمی ہوئے۔
یاد رہے رواں ماہ کے آغاز میں بلوچستان کے دارالحکومت کوئٹہ کے ایئر پورٹ روڈ پر سیکورٹی فورسز کی گاڑی کے قریب دھماکے کے نتیجے میں متعدد افراد زخمی ہوگئے تھے۔
