site
stats
عالمی خبریں

ایران میں فوجی اڈے پر فائرنگ‘ 4 فوجی ہلاک

Iran military base

تہران : ایران کےایئربیس میں ایک فوجی نے فائرنگ کر کے اپنے ہی 4 ساتھیوں کو ہلاک اور8 کو زخمی کر دیا۔

تفصیلات کے مطابق ایران کے دارالحکومت تہران کے جنوبی علاقےمیں قائم ملٹری ایئربیس پر ایک سپاہی کی فائرنگ سے اس کے 4 ساتھی ہلاک اور 8 فوجی زخمی ہوگئے۔

ایرانی فوج کی جانب سے جاری بیان میں کہا گیا ہے کہ واقعہ ’ایک فوجی اہلکار کے نفسیاتی مسائل کے باعث پیش آیا جس نے اچانک اپنے ساتھی فوجیوں پر فائرنگ شروع کردی‘۔

حکام کا کہنا ہے کہ یہ واقعہ شوٹنگ رینج میں‌ پیش آیا ہے جبکہ زخمی فوجیوں کو میڈیکل سینٹرمنتقل کردیا گیا ہے اورواقعے کی تفتیش بھی شروع کردی گئی ہے۔

یاد رہے کہ گزشتہ ماہ تہران کے شمال مغربی علاقے ابیک کے فوجی بیرک میں فائرنگ کے نتیجے میں تین فوجی ہلاک ہوئے تھے جبکہ 6 زخمی ہوئے تھے۔

واضح رہے کہ گزشتہ سال دسمبر میں ایران کے جنوب میں ایک فوجی نے اپنے تین ساتھیوں کو ہلاک کرنے کے بعد خود کشی کر لی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top