The news is by your side.

Advertisement

چار ملکی افغان مصالحتی کمیٹی کا اجلاس آج اسلام آباد میں ہوگا

اسلام آباد: افغان طالبان سے امن مذاکرات کی راہ ہموار کرنے کے لیے چار ملکی رابطہ کمیٹی کا اجلاس اسلام آباد میں منعقد ہو رہا ہے۔ پاکستان کی نمائندگی سیکرٹری خارجہ اعزاز احمد چودھری جبکہ افغانستان کی نمائندگی نائب وزیر خارجہ حکمت کرزئی کریں گے۔

پاکستان کے دفترِ خارجہ کے مطابق وزیرِ اعظم پاکستان کے مشیر برائے امور خارجہ سرتاج عزیز اجلاس کے ابتدائی سیشن سے خطاب کریں گے۔

اجلاس میں پاکستان، افغانستان، امریکہ اور چین کے سینیئر حکام شریک ہوں گے۔ چار ملکی اجلاس میں افغان حکومت اور طالبان کے درمیان مذاکرات کا طریقہ کار اور شیڈول طے کیا جائیگا۔

خیال رہے کہ گذشہ ماہ افغانستان اور پاکستان کی حکومتوں نے اس بات پر اتفاق کیا تھا کہ طالبان سے امن مذاکرات کو دوبارہ شروع کرنے ضرورت ہے اور مصالحتی عمل کی بحالی کے لیے پاکستان میں بات چیت کا آغاز کیا جائے گا جس میں امریکہ اور چین بھی شامل ہوں گے۔

خیال رہے کہ پاکستان کے سیاحتی مقام مری میں افغانستان کی حکومت اور طالبان کے مابین جاری مذاکرات کا سلسلہ افغان طالبان کے سابق سربراہ ملا عمر کی موت کی خبر سامنے آنے کے بعد منقطع ہوگیا تھا۔

مری میں ہونے والے مذاکرات کی ناکامی کے حوالے سے پاکستانی فوج کے ترجمان لیفٹیننٹ جنرل عاصم سلیم باجوہ نے ایک بیان میں کہا تھا کہ مصالحتی عمل کابل سے معلومات ’لیک‘ ہونے کی وجہ سے منقطع ہوا تھا۔ ریاست کے سینے میں دل ہوتا ہے نہ آنکھ میں مروت، بس مفادات ہوتے ہیں۔اس لئے ریاستوں کی باہمی دوستی ہو کہ دشمنی کچھ بھی مستقل نہیں۔

Comments

comments

یہ بھی پڑھیں