انتشار کی شکار ن لیگ کو بڑا جھٹکا، چار امیدواروں نے ٹکٹ واپس کر دیے -
The news is by your side.

Advertisement

انتشار کی شکار ن لیگ کو بڑا جھٹکا، چار امیدواروں نے ٹکٹ واپس کر دیے

سردار مہتاب عباسی کو قومی اسمبلی کے حلقے 15 کے لیے ٹکٹ نہ ملنے پر لیگی کارکن ناراض

ایبٹ آباد: انتخابات سے قبل مسلم لیگ ن شدید انتشار کا شکار ہوگئی ہے، ایبٹ آباد میں بھی بڑا جھٹکا لگ گیا، چار امیدواروں نے ٹکٹ واپس کر دیے۔

تفصیلات کے مطابق پنجاب بھر میں شدید انتشار کی زد میں آئی ہوئی سابق حکمراں جماعت ن لیگ ایبٹ آباد میں بھی بحران کا شکار ہوگئی ہے۔

سردار مہتاب عباسی کو ن لیگ کی جانب سے قومی اسمبلی کے حلقے 15 کے لیے ٹکٹ نہ ملنے پر لیگی کارکن ناراض ہوگئے ہیں، ٹکٹ نہ ملنے کے رد عمل میں چار امیدواروں نے احتجاجاً اپنے ٹکٹ واپس کردیے۔

ایبٹ آباد میں مسلم لیگ ن کے ضلعی اور تحصیل کی سطح کے عہدے داران نے کل بہ روز منگل اجتماعی استعفوں کا بھی اعلان کر کے ن لیگی اعلیٰ قیادت کی پریشانی بڑھا دی ہے۔

سردار مہتاب عباسی کو ٹکٹ جاری نہ کیے جانے کے رد عمل میں جن امیدواروں نے ٹکٹ واپس کیے ہیں ان میں پی کے 36 سے سردار فرید اور پی کے37 سے سردار اورنگزیب شامل ہیں۔

سابق صوبائی وزیر عبدالغفور میو نے بھی ن لیگ سے بغاوت کردی


صوبائی اسمبلی کے حلقے پی کے 38 سے ارشد اعوان اور پی کے 39 سے عنایت اللہ خان نے بھی اپنا ٹکٹ احتجاجاً واپس کر دیا ہے۔

واضح رہے کہ ن لیگ کی جانب سے ٹکٹ نہ ملنے پر کئی اہم رہنما پارٹی چھوڑ چکے ہیں، گزشتہ روز لاہور کے سابق صوبائی وزیر چوہدری عبدالغفور میو نے پارٹی سے بغاوت کی۔

چند دن قبل ٹکٹ نہ ملنے پر ن لیگ کے وفادار رہنما زعیم قادری نے بغاوت کر دی تھی، پارٹی کی اعلیٰ قیادت سے ناراض ہونے والے رہنماؤں کی تعداد میں مسلسل اضافہ ہو رہا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں