The news is by your side.

Advertisement

گوجرانوالا: گاڑی نہر میں جاگری، 4 افراد جاں بحق

لاہور: پنجاب کے علاقے گوجرانوالا میں تیز رفتاری کے باعث ٹریفک حادثہ پیش آیا جس کے نتیجے میں میاں بیوی سمیت ایک ہی خاندان کے 4 افراد جاں بحق ہوگئے۔

ریسکیو ذرائع کے مطابق گوجرانوالا کے علاقے سمن آباد میں ڈرائیور تیز رفتار کار موڑ کاٹتے ہوئے قابو نہ کرسکا جس کے نتیجے میں حادثہ پیش آیا۔

گاڑی نہر میں گرنے سے میاں بیوی اور دو بچے جاں بحق ہوئے، علاقہ مکینوں نے حادثے کے بعد اپنی مدد آپ کے تحت گاڑی نکالنے کی کوشش کی مگر وہ ناکام رہے۔

ریسکیو ٹیموں نے جائے حادثہ پہنچ کر لاشوں کو سول اسپتال گوجرنوالا منتقل کیا، حادثے کا شکار ہونے والے خاندان کا تعلق پنجاب کے علاقے جڑانوالا سے تھا۔

جاں بحق ہونے والے شخص کی شناخت ناصر کے نام سے ہوئی جبکہ گاڑی میں مقتول کی بیوی، پانچ سالہ بیٹا اور آٹھ سالہ بیٹی بھی موجود تھے۔

ریسکیو ذرائع کا کہنا ہے کہ گاڑی میں موجود فیملی وزیر آباد سے گوجرنوالا جارہی تھی کہ تیز رفتاری میں موڑ کاٹتے ہوئے نہر میں جاگری۔

یہ پڑھیں: حیدرآباد: ہوسڑی میں ٹریفک حادثہ ‘ 10 افراد جاں بحق

یاد رہے کہ کچھ روز قبل سندھ کے علاقے  ٹنڈو محمد خان روڈ پر ہوسڑی کے قریب تیز رفتار ٹرک اور وین کے درمیان ہونے والے تصادم کے باعث 10 افراد جان کی بازی ہارگئے


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں