site
stats
پاکستان

مصر میں‌ پھنسے 4 پاکستانی وطن پہنچ گئے، 13 باقی

کراچی: مصر کی نہر سوئز میں بحری جہاز پر پھنسے 4 پاکستانی وطن واپس پہنچ گئے، 13 پاکستانیوں کی واپسی جلد متوقع ہے۔

اطلاعات کے مطابق یہ پاکستانی کویتی جہاز ایم وی اے آکاز کے عملے میں شامل تھے جن میں سے 4 وطن پہنچ گئے تاہم تیرہ کی واپسی کا عمل باقی ہے،عملے کو کویتی شپنگ کمپنی نے 5 ماہ سے تنخواہیں او ردیگر واجبات ادا نہیں کیے۔


یہ پڑھیں: مصر:‌نہر سوئز میں 18 پاکستانیوں‌ کے پھنسے ہونے کا انکشاف


قبل ازیں مصر میں تعینات پاکستانی سفیر مشتاق علی شاہ نے پھنسے ہوئے پاکستانیوں کی واپسی سے متعلق بتایا تھا کہ عملے کے 4 ارکان کی واپسی آج ہوں گی، چاروں ملازمین کو ٹکٹ پاکستانی حکومت کی جانب سے دئیے گئے ہیں۔


اسی سے متعلق: نہر سوئز میں پھنسے پاکستانی 5 جنوری کو آئیں گے، دفتر خارجہ


سفیر کے مطابق وطن واپس آنے والے خوش نصیبوں میں عمر غوری،تنویر ،محمد فاروق اور سمیع اللہ شامل ہیں۔

واضح رہے کہ قاہرہ کے کھلے سمندر میں 17 پاکستانی 4 ماہ سے محصور ہیں، کویتی شپنگ کمپنی کی جانب سے واجبات ادا نہ کرنے کے باعث جہاز سمندر میں پھنسا ہوا تھا اور مصری حکومت نے عملے کے پاسپورٹ ضبط کرلیے تھے، عملہ کھانا ختم ہونے کے سبب جلد فاقے کرنے والا تھا لیکن یہ وقت آنے سے قبل ان کی مدد کردی گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top