The news is by your side.

Advertisement

سعودی عرب میں چیک پوسٹ پرفائرنگ‘ 4 اہلکار جاں بحق

ریاض : سعودی عرب کے صوبہ عسیر میں چیک پوسٹ پرفائرنگ کے نتیجے میں 4 سیکورٹی اہلکار جاں بحق جبکہ 4 زخمی ہوگئے۔

غیرملکی خبررساں ادارے کے مطابق سعودی عرب کے صوبہ عسیر میں چیک پوسٹ پرفائرنگ کے نتیجے میں 4 سیکورٹی اہلکار جان کی بازی ہار گئے۔

عرب نیوز کے مطابق چیک پوسٹ پرحملے کے بعد پولیس نے حملہ آوروں کا تعاقب کیا اور اس دوران جوابی کارروائی میں ایک حملہ آور مارا گیا جبکہ دو کو گرفتار کرلیا گیا۔

سعودی عرب کی سرکاری نیوزایجنسی کے مطابق چیک پوسٹ پرحملے میں ملوث گرفتار دونوں افراد سعودی شہری ہیں تاہم ان کی شناخت ظاہر نہیں کی گئی۔

خیال رہے کہ گزشتہ سال نومبر میں سعودی ولی عہد شہزادہ محمد بن سلمان نے دہشت گردی کے خلاف 40 اسلامی ممالک کے اتحادی کے پہلے اجلاس سے خطاب کرتے ہوئے کہا تھا کہ اس وقت تک دہشت گردوں کا پیچھا کریں گے جب تک ان کا دنیا سے صفایا نہیں ہوجاتا۔

سعودی عرب میں شاہی محل کے باہرفائرنگ‘ 2 رائل گارڈز جاں بحق

یاد رہے کہ گزشتہ سال 8 اکتوبرکو جدہ میں شاہی محل کے گیٹ پرحملے میں رائل گارڈز کے 2 اہلکار جاں بحق اور 3 زخمی ہوگئے تھے جبکہ جوابی کارروائی میں حملہ آور بھی مارا گیا تھا۔

سعودی پولیس پر حملہ، ایک افسر جاں بحق

واضح رہےکہ گزشتہ برس 4 جولائی کو سعودی عرب کے مشرقی صوبے قطیف میں ہی دھماکے کے نتیجے میں ایک پولیس افسر جاں بحق جبکہ تین اہلکار زخمی ہوگئے تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں