لاہور: ننکانہ صاحب میں مکان کی چھت گرنے سے تین بھائی اور ایک بہن سمیت 4 بچے جاں بحق جبکہ ماں اوربیٹی زخمی ہوگئیں۔
تفصیلات کے مطابق ننکانہ صاحب کی تحصیل شاہ کوٹ میں صفدرآباد روڈ پرگھرکی چھت گرگئی جس کے نتیجے میں 3 بھائی اور ایک بہن سمیت 4 بچے جاں بحق ہوگئے۔
ریسکیو حکام کےمطابق جس وقت یہ افسوس ناک واقعہ پیش آیا اس وقت گھر کے مکین سو رہے تھے۔
حادثے میں ماں اور ایک بیٹی زخمی ہوئی ہیں جنہیں فوری طبی امداد کے لیےتحصیل ہیڈکوارٹراسپتال شاہ کوٹ منتقل کردیا گیا ہے۔
باجوڑ ایجنسی میں گھر کی چھت گرنے سے6 افراد جاں بحق
خیال رہے کہ 23 اکتوبر2017 کو باجوڑ ایجنسی کی تحصیل خار میں گھر کی چھت گرنے سے 6 افراد جاں بحق جبکہ پانچ زخمی ہوگئے تھے۔
سوات میں مکان کی چھت گرنے سے 3افراد جاں بحق
یاد رہے کہ رواں سال 23 مئی کو صوبہ خیبرپختونخواہ کے علاقے سوات میں مکان کی چھت گرنے سے ایک ہی خاندان کے 3 افراد جاں بحق ہوگئے تھے۔
Comments
- Advertisement -
