اسلام آباد: بلیو ایریا میں فائرنگ کرنے والے سکندر کے مقدمے کا فیصلہ چوتھی بار ملتوی -
The news is by your side.

Advertisement

اسلام آباد: بلیو ایریا میں فائرنگ کرنے والے سکندر کے مقدمے کا فیصلہ چوتھی بار ملتوی

اسلام آباد: وٍٍفاقی دارالحکومت کے مصروف علاقے بلیو ایریا میں فائرنگ کرنے والے ملزم سکندر حیات کے مقدمےکا فیصلہ آج بھی نہ ہو سکا،خصوصی عدالت کی جانب سے فیصلہ چوتھی بار ملتوی ہوا.

تفصیلات کے اسلام آباد میں انسداد دہشت گردی کی خصوصی عدالت کے جج سید کوثر عباس زیدی نے بلیو ایریا میں فائرنگ کیس کا محفوظ شدہ فیصلہ سنانا تھا،تاہم ملزم سکندر کی عدم پیشی کی وجہ سے فیصلہ چوتھی بار 22جولائی تک ملتوی کردیا.

بلیو ایریا میں فائرنگ کرنے والا ملزم سکندر جیل میں اس کی اہلیہ کنول سکندر ضمانت پر ہے،ملزم سکندر کو جیل سےعدالت پیش نہ کیے جانے کی بناء پر خصوصی عدالت کی جانب سے فیصلہ چوتھی بار موخر کیاگیا.

یاد رہے کہ استغاثہ کے گواہوں کے بیانات مکمل ہونے اور جرح مکمل ہونے کے بعد عدالت نے فیصلہ محفوظ کررکھا ہے.

ملزم سکندر نے سولہ اگست دو ہزار تیرہ کو وفاقی دارالحکومت کے اہم صنعتی علاقے بلیو ایریا کو سات گھنٹوں یرغمال بنائے رکھا تھا.

واضح رہےکہ ملزم سکندر پر آٹھ جنوری دو ہزار چودہ کو فرد جرم عائد کردی گئی ہے.

Comments

comments

یہ بھی پڑھیں