فوجی عدالتوں سے سزاپانے والے مزید4 دہشتگردوں کو پھانسی دے دی گئی -
The news is by your side.

Advertisement

فوجی عدالتوں سے سزاپانے والے مزید4 دہشتگردوں کو پھانسی دے دی گئی

راولپنڈی : فوجی عدالتوں سے سزا پانے والے مزید چار دہشتگردوں کو پھانسی دے دی گئی۔

پاکستان مخالف کارروائیوں میں سرگرم چاروں دہشت گردوں کو تختہ دار پر لٹکا دیا گیا، آئی ایس پی آر کے مطابق فوجی عدالتوں سے موت کی سزا پانے والے 4دہشت گردوں کو آج صبح پھانسی دی گئی، ، پھانسی پانے والیوں میں قیصر خان ولد حبیب خان ، محمد عمر ولد سیدا جان ، قاری زبیر محمد ولد سخی محمد اور عزیز خان ولد اشبر شامل ہیں۔

آئی ایس پی آر کے مطابق دہشت گرد قانون نافذ کرنے والے اداروں اور سکیورٹی فورسز کے اہلکاروں پر حملے اور ان کو شہید و زخمی کرنے کے واقعات سمیت ایک مسجد پر حملے اور نمازیوں کو شہید کرنے میں ملوث پائے گئے تھے۔

چاروں دہشت گردوں کا تعلق کالعدم تحریک طالبان سے تھا۔

پاک فوج کے ترجمان کے مطابق چاروں دہشت گردوں پر فوجی عدالتوں میں مقدمات چلائے گئے، جہاں دوران سماعت دہشتگردوں نے مجسٹریٹ کے سامنے اپنے جرائم کا اعتراف کیا تھا، جس کے بعد ان کو سزائے موت سنائی گئی تھی۔


مزید پڑھیں : فوجی عدالتوں سے سزائے موت پانے والے مزید 4دہشت گردوں کو پھانسی


واضح رہے کہ فوجی عدالتوں سے سزا پانے والے دہشتگردوں کو سب سے زیادہ پھانسی آپریشن ردالفساد کے دوران دی گئی ہیں۔

یاد رہے رواں ماہ کے آغاز میں بھی فوجی عدالتوں سے سزائے موت پانے والے 4دہشت گردوں کو مختلف جیلوں میں پھانسی دی گئی تھی، پھانسی پانے والوں میں برکت علی ولد عبدالغفور ، محمد عادل ولد محمد اکبر جان ، اسحاق ولد عبدالحئی اور لطیف الرحمان ولد سیف الرحمان شامل تھے۔

Comments

comments

یہ بھی پڑھیں