The news is by your side.

Advertisement

فوجی عدالتوں سے سزا یافتہ مزید 4 دہشت گردوں کو پھانسی

راولپنڈی: ملک بھر میں دہشت گردوں کو ان کے انجام تک پہنچانے کا سلسلہ جاری ہے۔ مزید 4 دہشت گردوں کو خیبر پختونخواہ کی جیل میں پھانسی دے دی گئی۔

پاک فوج کے شعبہ تعلقات عامہ آئی ایس پی آر کے مطابق فوجی عدالت سے سزا پانے والے مزید 4 دہشت گردوں کو پھانسی دے دی گئی۔

مذکورہ دہشت گردوں کو خیبر پختونخواہ کی جیل میں پھانسی دی گئی۔ آئی ایس پی آر کے مطابق پھانسی پانے والوں کے نام محمد ابراہیم، رضوان اللہ، سردار علی اور شیر محمد خان شامل ہیں۔

پھانسی پانے والے دہشت گرد کالعدم تحریک طالبان پاکستان سے تعلق رکھتے تھے اور شہریوں کے قتل اور تعلیمی اداروں کی تباہی میں ملوث تھے۔

چاروں دہشت گرد فورسز پر حملے اور مواصلاتی نظام تباہ کرنے کے مجرم بھی تھے۔

دہشت گردوں نے مجسٹریٹ اور ٹرائل کورٹ کے روبرو اپنے جرائم کا اعتراف کیا تھا جس کے بعد فوجی عدالت نے انہیں سزائے موت سنائی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں