The news is by your side.

Advertisement

نوابشاہ: ڈاکٹرز کی غفلت، مردہ قرار دی گئی بچی زندہ نکلی

نوابشاہ: سندھ کے ضلع نوابشاہ میں ڈاکٹر نے چار سال کی زندہ بچی کو مردہ قرار دے کر سرٹفکیٹ جاری کردیا۔

تفصیلات کے مطابق نواب شاہ کے مدر اینڈ چائلڈ اسپتال کے عملے نے زندہ بچی کو مردہ قرار دیا اور چار سالہ روبینہ کا ڈیتھ سرٹیفکیٹ جاری کیا۔

والد نبی بخش کے مطابق جب بچی کی میت لے کر اسپتال سے باہر نکلے تو روبینہ نے سانس لیا جس کے بعد ہم اُسے لے کر نجی اسپتال گئے جہاں ڈاکٹر نے بتایا کہ بیٹی زندہ ہے۔

انہوں نے بتایا کہ بچی کی طبیعت اب بہتر اور وہ مکمل ہوش میں ہے۔

قبل ازیں نومبر 2016 میں وکٹوریہ اسپتال کے ڈاکٹرز نے نعیمہ خان نامی خاتون کو مردہ قرار دیا تھا جبکہ وہ زندہ تھیں مگر علاج وقت پر نہ ہونے کی وجہ سے وہ جانبر نہ ہوسکیں تھیں۔

اہل خانہ نے ڈاکٹرز کے رویے پر شدید احتجاج کیا اور مطالبہ کیا تھا کہ غفلت کے مرتکب ڈاکٹرز کو قرار واقعی سزا دی جائے۔

Comments

comments

یہ بھی پڑھیں