نیویارک: امریکی خاتون میزبان نے امریکی صدر ڈونلڈ ٹرمپ کو لائیو شو میں ڈکٹیٹر کہہ دیا، اینکر ہنٹسمین روس میں امریکی سفارتکار کی صاحبزادی ہیں۔
غیر ملکی خبر رساں ادارے کے مطابق اینکر ایبی ہنٹسمین نے شمالی کوریا کے رہنما اور امریکی صدر ڈونلڈ ٹرمپ کی ملاقات پر تجزیہ کرتے ہوئے ٹرمپ کو ڈکٹیٹر کہا، ان کا کہنا تھا کہ دیکھتے ہیں دو ڈکٹیٹر کی ملاقات میں کیا ہوتا ہے۔
پروگرام کے دوران خاتون اینکر کی بات کا نوٹس نہیں لیا گیا تاہم سوشل میڈیا پر ویڈیو وائرل ہوگئی، روس میں امریکی سفارتکار کی صاحبزادی نے ٹویٹر پر معذرت بھی کرلی ہے۔
Apologized on the show. I’ll never claim to be a perfect human being. We all have slip ups in life, I have many 🙂 now let’s all move on to things that actually matter. https://t.co/k2hGjZcHRB
— Abby Huntsman (@HuntsmanAbby) June 10, 2018
خاتون اینکر ایبی ہنٹسمین نے دوران شو بھی ٹرمپ کو ڈکٹیٹر کہنے پر معذرت کی اور کہا کہ میں کبھی بھی ایک مکمل انسان ہونے کا دعویٰ نہیں کروں گی، ہم سب سے زندگی میں کبھی نہ کبھی ایسا ہوجاتا ہے اور میرے ساتھ کچھ زیادہ ہی اس طرح ہوتا ہے۔
واضح رہے کہ امریکی صدر ڈونلڈ ٹرمپ اور شمالی کوریا رہنما کم جونگ ان دونوں سنگاپور میں موجود ہیں جہاں ان کی کل تاریخی ملاقات ہونے جارہی ہے۔