site
stats
بزنس

ایف پی سی سی آئی نے عتیقہ اوڈھو کوشعبہ پراڈکشن کا سربراہ منتخب کرلیا

کراچی : فیڈریشن آف پاکستان چیمبر آف کامرس نے ٹی وی اداکارہ عتیقہ اوڈھو کو شعبہ پراڈکشن اورانٹرٹینمنٹ جبکہ اسامہ قریشی کو شعبہ توانائی کی اسٹینڈنگ کمیٹی کا چیئرمین نامزد کیا گیا ہے۔

ایف پی سی سی آئی کے چئیرمین نے فیصلہ کیا ہے کہ معروف اداکارہ کو رواں سال فلم ، ٹیلی ویژن ، تھیٹر، ریڈیو اورانٹرٹینمنٹ کے کاروبار کی ترقی کے لئے جبکہ اسامہ قریشی کو شعبہ توانائی کی اسٹینڈنگ کمیٹی کے چیئرمین ہوں گے اور اس فیصلے کا اطلاق فوری طور پرہوگا۔

اس موقع پر نو منتخب سربراہ شعبہ توانائی کا کہنا تھا کہ توانائی کے بحران کو قابو پانے کی اشد ضرورت ہے۔ بحران پر قابو پانے سے کاروباری حضرات کا اعتماد بحال ہوگا اور پاکستانی معیشت مستحکم ہوگی، اس بات کا یقین ہے کہ جلد ہی ایف پی سی سی آئی کے تعاون سے اس شعبے میں پیدا ہونے والے بحران پر قابو پالیا جائے گا۔

دوسری جانب شعبہ پراڈکشن کی نومنتخب سربراہ عتیقہ اوڈھو کا کہنا تھا کہ کمیٹی بنانے کا مقصد تجارتی شراکت داروں اور کاروباری حضرات کے درمیان رابطے قائم کروانا ہے۔ سب سے زیادہ اہم امر یہ ہے کہ ملک میں سیمینارز، ورک شاپس اور مختلف سطح پرکانفرنسز منعقد کرکے ملکی اور بین الاقوامی میڈٰیا کے کام کرنے کے معیارات کے درمیان موجود خلا کوپرکیا جاسکتا ہے۔

واضح رہے کہ دونوں شعبوں کے لئے بنائی جانے والی کمیٹیزمیں قومی نمائندگی کے لئےمختلف اسٹیک رکھنے والے افراد کو شامل کیا جائے گا۔

کمیٹی روزانہ کی بنیاد پر پلانز اور بین الاقوامی میڈیا سے تعلقات کی رپورٹ کے حوالے سے چیئرمین کو آگاہی دے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top