تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

یورپی ممالک میں ایک بار پھر سورج آگ برسانے لگا

پیرس: فرانس سمیت یورپ کے کئی ملکوں کو شدید گرمی کی لہر نے  ایک بار پھر اپنی لپیٹ میں لے لیا، فرانس کی تاریخ میں پہلی بار درجہ حرارت 48 ڈگری سینٹی گریڈ تک پہنچا ۔

محکمہ موسمیات نے پیش گوئی کی ہے کہ جولائی کے آخری ہفتے میں ہیٹ ویو کا خدشہ ہے، یورپ کے کئی ممالک میں سورج آگ برسائے گا، پیر کے روز درجہ حرارت 45 سے 48 ڈگری سینٹی گریڈ تک پہنچا، گرمی کے باعث شہریوں کا حال برا ہے۔

حکومت نے متوقع ہیٹ ویو کے پیش نظر شہروں میں ایمرجنسی نافذ کرتے ہوئے ڈاکٹرز کو حاضری یقینی بنانے کی ہدایت کی جبکہ چھٹیوں پر گئے عملے کو بھی واپس بلا لیا گیا۔

مقامی حکام نے شہریوں کو متنبہ کیا ہے کہ وہ گرمی سے محفوظ رہنے کے لیے بنا ضرورت گھروں سے باہر نہ نکلیں اور احتیاطیں تدابیر کے تحت سر اور جسم ڈھانپ کر گھروں سے باہر آئیں۔

مزید پڑھیں: فرانس سمیت یورپ کے کئی ملکوں میں شدید گرمی

گرمی کا مقابلہ کرنے کےلئے لوگ بچوں کے ساتھ سوئمنگ پول، پارکوں اور کھلے مقامات کا رخ کررہے ہیں۔

محکمہ موسمیات کا کہنا ہے کہ فرانس میں جولائی کے آخری ہفتے میں معمول کا درجہ حرارت 43 ڈگری سینٹی گریڈ رہے گا جبکہ بارش کا بھی کوئی امکان نہیں ہے۔

حکومت نے شدید گرمی کے باعث جنگلات میں آگ لگنے کے پیش نظر وائلڈ لائف حکام کو بھی الرٹ کردیا تاکہ کسی بھی بڑے حادثے سے محفوظ رہا جاسکے۔

Comments

- Advertisement -