The news is by your side.

Advertisement

پیرس : عراقی فوج کی مدد میں اضافہ کریں گے،صدر فرانسوا اولاند

پیرس : فرانسیسی صدر فرانسوا اولاند نے اعلان کیا ہے کہ فرانس اپنے آپ کو دولت اسلامیہ کہلانے والی شدت پسند تنظیم کے خلاف جنگ میں عراقی فورسز کی مدد میں اضافہ کرے گا.

تفصیلات کے مطابق فرانس کی جانب سے عراقی سیکورٹی فورسز کو بھاری آرٹلری آئندہ چند ہفتوں میں فراہم کر دی جائے گی اور ستمبر کے آخر تک خطے میں فرانسیسی جہاز بردار بحری جہاز بھی پہنچا دیا جائے گا.

فرانسیسی صدر نے یہ اعلان ایسے وقت کیا ہے جب پچھلے ہفتے ہی نیس میں ایک شخص نے ٹرک سے 84 افراد کچل دیے،دولت اسلامیہ نے اس حملے کی ذمہ داری قبول کرتے ہوئے ڈرائیور کو اپنا ’سپاہی‘ قرار دیا.

صدر اولاند نے ڈیفنس کونسل کے اجلاس میں میں نے فیصلہ کیا کہ داعش کے خلاف اتحاد کا حصہ ہونے کے باعث عراقی سکیورٹی فورسز کو ہتھیار فراہم کیے جائیں گے،یہ ہتھیار اگلے ماہ عراق پہنچا دیے جائیں گے.

واضح رہے کہ فرانسیسی صدر کا کہنا تھا کہ فرانس عراق اور شام میں اپنے اتحادیوں کی حمایت جاری رکھے گا لیکن کارروائیوں کے لیے فوج نہیں بھیجی جائے گی.

Print Friendly, PDF & Email

Comments

comments

یہ بھی پڑھیں