site
stats
عالمی خبریں

صدارتی انتخابات: ایمانویل میکرون فرانس کے کم عمر صدر منتخب

پیرس: فرانس کے صدارتی انتخابات میں ایمانویل میکرون نے لاپین کو واضح اکثریت سے شکست دے دی، انہوں نے مخالف میری لاپین کو ملنے والے 35 کے مقابلے میں 65 فیصد ووٹ حاصل کیے۔۔

تفصیلات کے مطابق فرانس کے صدارتی انتخابات میں 39سالہ ایمانویل میکرون نے بھاری اکثریت سے کامیاب حاصل کرلی ہے، ان کی مد مقابل صدارتی امیدوارمارین لی پین نےانتخابات میں شکست قبول کرلی۔

فرانسیسی صدارتی انتخابات کےدوسرےمرحلے میں سابق انوسٹمنٹ بینکرایمانویل میکرون اور 48 سالہ انتہائی دائیں بازو کی قوم پرست امیدوار مارین لی پین کے درمیان کانٹے کا مقابلہ متوقع تھا۔

خبر رساں ایجنسی کے مطابق ایمانویل میکرون نے 65فیصد سےزائد ووٹ حاصل کیے، جبکہ صدارتی امیدوارمارین لی پین نے35فیصد ووٹ حاصل کرسکیں۔

نتائج کے بعد ایمانویل میکرون فرانس کے کم عمرترین صدر منتخب ہوگئے ہیں۔ میڈیا رپورٹس کے مطابق اتوار کو فرانس میں ہونے والے انتخابات میں سیکیورٹی کے انتہائی سخت انتظامات کیے گئے تھے۔

انتخابات کے غیر سرکاری نتائج کے اعلان کے بعد نو منتخب صدر کے حامی پیرس میں جمع ہوئے اور جشن منایا۔ انتخابات کے لیے ووٹنگ کا عمل مقامی وقت کے مطابق صبح آٹھ بجے سے رات آٹھ بجے تک جاری رہا۔

 مزید پڑھیں : فرانسیسی صدارتی انتخابات :امینیول یا لاپین فیصلہ آج ہوگا

یاد رہے کہ فرانس میں ہونے والے صدارتی انتخابات کے پہلے مرحلے میں ایمانویل میکرون نے23.7 فیصد ووٹ جبکہ ماری لا پین 21.7 فیصد ووٹ حاصل کیےتھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top