گوبھی کی قیمت 50 روپے من ہونے پر نارووال کے بعد شکر گڑھ سبزی منڈی میں بھی دلبرداشتہ زمیندار نے فری میں بانٹ دی۔
زمیندار نے ایک من سے زائد گوبھی فری عوام میں تقسیم کی جبکہ اس کے ساتھ کولڈرنگ بھی پلانے کی آفر دی۔ سبزی منڈی میں موجود شہری مفت گوبھی تھیلوں میں بھر کر لے گئے۔
گزشتہ روز فصل کی مناسب قیمت نہ ملنے پر کاشت کار نے انوکھا احتجاج کرتے ہوئے 50 من گوبھی لوگوں میں مفت بانٹ دی تھی۔
صادق آباد کے ایک تاجر نے سبزی منڈی میں گوبھی سے بھری پوری گاڑی مفت میں خالی کر دی تھی اور ساری سبزی ہوا میں اچھال کر لوگوں میں بانٹی۔
دلبرداشتہ کاشتکار کا کہنا تھا کہ منڈی میں گوبھی کا بھاؤ دو روپے فی کلو لگ رہا ہے جبکہ فصل تیار کرنے میں ہمارا خرچہ ہی 30 سے 40 ہزار روپے تک آتا ہے۔
مدثر عمر کا کہنا تھا کہ اپنی گوبھی دو روپے فی کلو بیچنے سے بہتر ہے کہ غریبوں میں مفت بانٹ دوں، اے آر وائی نیوز سے گفتگو کرتے ہوئے مدثر نے حکومت سے بجلی اور کھاد پر سے ٹیکس ختم کرنے کا مطالبہ کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں