آکلینڈ: بچوں کو اسکول بھیجتے وقت والدین کی جانب سے لنچ باکس روزانہ کی بنیاد پر تیار کیا جاتا ہے اور تاکید بھی کی جاتی ہے کہ کھانا وقت پر کھا لیا جائے۔
تفصیلات کے مطابق نیوزی لینڈ میں رہنے والے والدین کی پریشانی اب دور ہونے والی کیونکہ وزیراعظم جسینڈا آرڈرن نے اعلان کیا ہے کہ 2020 تک اسکولوں میں بچوں کو مفت کھانا فراہم کیا جائے گا۔
نیوزی لینڈ کی وزیراعظم جسینڈا آرڈرن کے مطابق اسکولوں میں روزانہ کی بنیاد پر کھانا مفت فراہم کرنے کا مقصد غربت کو روکنے اور بہتر خدمات فراہم کرنے کے لیے کیا جارہا ہے۔
ڈیلی میل کی رپورٹ کے مطابق 2020 سے 30 اسکولز میں 5000 طلبا کو ایک سے سال آٹھ تک اس پروگرام پر عملدرآمد کیا جائے گا۔
نیوزی لیںڈ کی حکومت کا مقصد ہے کہ آئندہ سال 120 اسکولوں میں 21 ہزار بچوں کو کھانا کھلایا جائے۔
رپورٹ کے مطابق جسینڈا آرڈرن نے روٹورا کے ایک انٹرمینڈیٹ اسکول کا دورہ کیا اور کہا کہ کیا ہم چاہتے ہیں ہمارے بچے بھوکے رہیں؟ زیادہ تر افراد نے نفی میں جواب دیا۔
جس کے بعد جیسنڈا آرڈرن نے اعلان کیا کہ حکومت بچوں کے لیے اسکول لنچ پروگرام کا اعلان کررہی ہے جس کے لیے ہمیں آپ کے تعاون کی ضرورت ہے۔
کیوی وزیراعظم کا کہنا تھا کہ بچوں کے لیے کامیابی حاصل کرنے کے نادر موقعے ہوتے ہیں لیکن خالی پیٹ آپ علم نہیں سیکھ سکتے اور نہ ہی کامیابی حاصل کرسکتے ہیں۔
آرڈرن کا کہنا تھا کہ حکومت کی جانب سے اس اقدام کے لیے بجٹ میں اضافہ کیا جائے گا۔
