دبئی: دبئی میں عید الفطر کی تعطیلات کے موقع پر شہریوں کے لیے مفت پارکنگ کا اعلان کردیا گیا۔
دبئی کی روڈ اینڈ ٹرانسپورٹ اتھارٹی (آر ٹی اے) کے مطابق عید الفطر کی تعطیلات میں دبئی کے تمام عوامی مقامات پر پارکنگ مفت ہوگی سوائے کثیر المنزلہ پارکنگ ٹرمنلز کے۔
فری پارکنگ کا آغاز 29 رمضان سے ہوگا جو 3 شوال تک جاری رہے گا، 4 شوال سے پارکنگ فیس دوبارہ فعال ہوجائے گی۔
آر ٹی اے کے اعلامیہ میں دبئی میٹرو سروس کے اوقات کار بھی دیے گئے ہیں جس کے مطابق ریڈ اور گرین لائن میٹرو سروس ان اوقات کار میں چلیں گی۔
14 جون: صبح ساڑھے 5 بجے سے رات 2 بجے تک
15 جون: صبح 10 بجے سے رات 2 بجے تک
16 سے 18 جون: صبح ساڑھے 5 بجے سے رات 2 بجے تک
جبکہ ٹرام سروس ہفتے سے جمعرات تک صبح 6 سے رات 1 بجے تک اور جمعے کے روز صبح 9 سے رات 1 بجے تک فعال ہوگی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
