(3 اکتوبر 2025): اسرائیل کی غیر قانونی ناکہ بندی توڑنے کیلیے 100 کارکنوں پر مشتمل ایک اور فلوٹیلا نے غزہ کی جانب سفر شروع کر دیا۔
فریڈم فلوٹیلا کولیشن نے سوشل میڈیا پلیٹ فارم ایکس پر جاری بیان میں کہا کہ بدھ کو کشتیاں اٹلی سے تقریباً 100 کارکنوں کے ساتھ روانہ ہوئی ہے۔
گروپ نے بتایا کہ 9 کشتیوں پر مشتمل قافلے میں بہت سے ڈاکٹرز اور صحافی سوار ہیں، قافلے کو کشتیِ ضمیر (Conscience Boat) کا نام دیا گیا ہے۔
یہ بھی پڑھیں: اسرائیل کے ’گلوبل صمود فلوٹیلا‘ کو روکنے کیخلاف دنیا بھر میں مظاہرے
لائیو ٹریکنگ ڈیٹا کے مطابق یہ نو کشتیاں فی الحال یونانی جزیرے کریٹ کے ساحل سے دور ہیں، ممکن ہے کہ اگر یہ کشتیاں غزہ کی طرف بڑھتی رہیں تو اسرائیلی بحریہ انہیں روک لے گی۔
Today the #FreedomFlotilla Coalition set sail with almost 100 people aboard the ‘Conscience’ – many of them being healthcare workers or journalists. Our goal is to break Israel’s illegal siege & to provide international correspondents the chance to attempt direct reporting from… pic.twitter.com/ER6ALxXZD7
— Freedom Flotilla Coalition (@GazaFFlotilla) October 1, 2025
گزشتہ روز اسرائیلی بحریہ نے گلوبل صمود فلوٹیلا کی 42 کشتیوں کو غزہ کی جانب بڑھنے سے روکا اور اس پر سوار تقریباً 470 کارکنوں کو حراست میں لیا جن میں پاکستانی بھی شامل ہیں۔
گلوبل صمود فلوٹیلا کا مقصد غزہ کے فلسطینیوں کو خوراک، ادویات اور دیگر ضروری اشیاء پہنچانا تھا لیکن اسرائیل نے غزہ کے پانیوں میں قافلے پر دھاوا بول دیا۔
مختلف ممالک میں گلوبل صمود فلوٹیلا کو روکنے کے خلاف احتجاج اور مظاہرے کیے جا رہے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں