مٹیاری: سندھ کے شہر مٹیاری میں ایک مال گاڑی کو حادثہ پیش آیا ہے، مال گاڑی کی 10 بوگیاں ٹریک سے اتر گئیں۔
تفصیلات کے مطابق مٹیار میں پلیجانی ریلوے اسٹیشن پر مال گاڑی کی 10 بوگیاں ٹریک سے اتر گئیں، جس سے اپ اور ڈاؤن ٹریک متاثر ہوئے اور ٹرینوں کی آمد و رفت رک گئی۔
ریلوے انتظامیہ کا کہنا ہے کہ حادثے کے بعد اپ ٹریک کو مکمل طور پر بحال کر دیا گیا ہے، جب کہ ڈاؤن ٹریک کی بحالی کی کوششیں کی جا رہی ہیں، جلد ہی اسے بحال کر دیا جائے گا۔
ریلوے انتظامیہ کے مطابق ڈاؤن ٹریک مکمل بحال ہونے کے بعد ٹرینوں کی آمد و رفت شروع کر دی جائے گی۔
