وینس : فرانسیسی جانباز ایک ہی سانس میں دنیا کے گہرے ترین سوئمنگ پول کی تہہ تک پہنچ گیا کہ دیکھنے والے حیران رہ گئے۔
فرانسیسی جانباز فری ڈائیور اٹلی کے ہوٹل میں بنے چالیس میٹر گہرے دنیا کے گہرے ترین سوئمنگ پول کی تہہ تک پہنچ گیا،اس حیرت انگیز کارنامے کو سرانجام دینے کے لئے اس جانباز کو دو منٹ تک سانس روکنا پڑا۔
گیو مے کا کہنا تھا کہ یہ چیلنج کا صرف ایک نصف حصہ تھا، اگلے مرحلے میں اپنی اہلیہ کے ساتھ اسکوبا کا سامان استعمال کئے بغیر پوری سانس لیتے ہوئے تیراکی کریں گے۔
فرانسیسی فری ڈائیور نے کہا کہ مجھے یہ جگہ بے حد پسند ہیں، اگر یہ مصنوعی ہے لیکن دنیا میں فری ڈائیو کے لئے سب سے زیادہ دلچسپ جگہ ہے۔
نیرے ماضی میں ایک سانس میں 126 میٹر کی سطح تک نیچے پہنچ کر چار عالمی ریکارڈ توڑ چکے ہیں۔
اس پول کو کسی بلڈنگ ہی کی طرح مرحلہ وار منزلوں میں بنایا گیا ہے، اس پول کی گہرائی 131 فٹ ہے جبکہ اس میں 43 لاکھ لیٹر پانی مو جود ہے
اس گہرے ترین سوئمنگ پول کی اونچائی نیچے سے اوپر تک ایک عام 12منزلہ عمارت کے برابر ہے، اسے ایمانوئیل بریٹو نامی اطالوی ڈیزائنر نے ڈیزائن کیا ہے۔
بظاہر یہ ایک عام سوئمنگ پول کی طرح نظر آتا ہے۔ اس کے اندر ایک ٹیوب نصب کی گئی ہے جس کے ذریعہ شوقین افراد گہرے پانی میں ڈائیو کر سکتے ہیں۔
جب آپ اس پول میں ہوں تو ایک سائنس فکشن منظر کی طرح محسوس ہوتا ہے اورصاف پانی کے باعث کبھی کبھی ایسا محسوس ہوتا ہے کہ آپ اڑ رہے ہوں۔
