ناشتے میں مزیدار فرنچ آملیٹ بنائیں -
The news is by your side.

Advertisement

ناشتے میں مزیدار فرنچ آملیٹ بنائیں

ناشتے میں مختلف ورائٹی والی اشیا اہلخانہ کو ایک مزیدار سے ناشتے کی طرف راغب کرتی ہیں جسے روزمرہ کی زندگی اور بھاگ دوڑ میں عموماً نظر انداز کردیا جاتا ہے۔

تو چھٹی کے دن مزیدار سا فرنچ آملیٹ ان افراد کو بھی جلدی اٹھ کر ناشتہ کرنے پر مجبور کردے گا جو دن کا آدھا حصہ سو کر گزارتے ہیں۔

اجزا

مرغی ابلی اور ریشہ کی ہوئی: 250 گرام

انڈے: 4 عدد

پیاز چوپ کی ہوئی: 2 کھانے کے چمچ

ہرا دھنیہ چوپ کیا ہوا: 1 چائے کا چمچ

ہری مرچیں چوپ کی ہوئی: 1 چائے کا چمچ

پسی ہوئی لال مرچ: 1 چائے کا چمچ

چیڈر چیز کدوکش ہوا: 25 گرام

مشروم باریک کٹے ہوئے: 4 عدد

نمک: حسب ذائقہ

تیل: ایک چوتھائی پیالی

سلاد کے پتے: سجانے کے لیے

ترکیب

انڈے کی سفیدی اور زردی الگ الگ کرلیں۔ سفیدیوں کو الیکٹرک بیٹر کی مدد سے جھاگ اوپر آنے تک پھینٹیں۔

اب اس میں زردیاں، پیاز، ہری مرچیں، ہرا دھنیہ، لال مرچ اور نمک ملا لیں۔

فرائنگ پین میں آدھا تیل گرم کریں اور اس میں انڈے کا آدھا آمیزہ ڈال کر پھیلائیں۔

اس کے اوپر آدھی مشروم اور آدھا پنیر پھیلا کر ہلکی آنچ پر پکائیں۔

فرائنگ پین میں باقی تیل گرم کریں اس پر انڈے کا باقی آمیزہ پھیلا کر سنہری کریں اور اسے پلٹ دیں۔

اب اس پر مرغی، بقیہ مشروم اور پنیر ڈالیں، دہرا کر کے پکائیں۔

مزیدار فرنچ آملیٹ تیار ہے۔ گرم گرم پراٹھوں کے ساتھ تناول کریں۔

Comments

comments

یہ بھی پڑھیں