پیرس: فرانسیسی صدر کو ایک بار پھر عوام کے غضب کا سامنا کرنا پڑا ہے۔
غیر ملکی میڈیا رپورٹ کے مطابق فرانسیسی صدر ایمانوئل میکرون کو ریسٹورنٹ کے افتتاح کے موقع پر انڈہ ماردیا گیا، مشتعل شخص کی جانب سے پھینکا گیا انڈہ فرانسیسی صدر کے کندھے پر جالگا حیرت انگیز طور پر انڈہ ٹوٹا نہیں۔
واقعے کے فوری بعد انڈہ پھینکنے والے شخص کو سیکیورٹی اہلکاروں نے حراست میں لے لیا، اس موقع پر میڈیا نے فرانسیسی صدر سے گفتگو کی تاہم انہوں نے میڈیا سے گفتگو سے پرہیز کیا۔
واقعہ جنوبی فرانس کے شہر لیون میں تجارتی مرکز کا جائزہ لینے کے دوران پیش آیا۔
#French president #Macron was hit with an egg while he was visiting #Lyon.
😂😂🥚🥚pic.twitter.com/ZhjJaGOsZV— Auron (@auron83591234) September 27, 2021
واضح رہے کہ فرانسیسی صدر کورواں سال ہی ملک کے جنوب مشرق کے دورے کے موقع پر ایک شہری نے تھپر رسید کیا تھا،ایمانوئل میکرون کو شہری سے تھپڑ پڑنے کےمنظر کی ویڈیو سوشل میڈیا پر وائرل ہوئی تھی۔
ملزم نے تھپڑ مارتے وقت میکرون کے نظریے اور پالیسیوں کے خلاف نعرہ بھی لگایا تھا۔