پیرس: فرانس کے دارالحکومت پیرس میں مسلح شخص نے سینڈوچ دیر سے دینے پر ویٹر کو گولی مار کر ہلاک کردیا۔
غیرملکی خبررساں ادارے کے مطابق فرانس کے دارالحکومت پیرس کے مضافاتی علاقے شورلی گرینڈ میں ایک گاہک نے ریسٹورنٹ کے ویٹر کو مبینہ طور پر سست سروس فراہم کرنے پر گولی مار کر ہلاک کردیا۔
[bs-quote quote=”پولیس نے سی سی ٹی وی فوٹیج کی مدد سے ملزم کی تلاش شروع کردی” style=”style-8″ align=”left”][/bs-quote]
پولیس کے مطابق گاہک نے سینڈوچ کا آرڈر کیا تھا تاہم ویٹر نے سروس پہنچانے میں دیر کردی جس پر گاہک نے طیش میں آکر اس پر گولی چلادی، گولی لگنے سے ویٹر موقع پر ہلاک ہوگیا۔
فرانسیسی پولیس کے مطابق 28 سالہ ویٹر کو بازو پر گولی لگی تھی، حملہ آور موقع سے فرار ہونے میں کامیاب ہوگیا تاہم پولیس نے سی سی ٹی وی فوٹیج کی مدد سے ملزم کی تلاش شروع کردی ہے۔
رپورٹ کے مطابق اس واقعے کے بعد مقامی افراد اور ریسٹورنٹ کے عملے میں خوف و ہراس پھیل گیا۔
ایک خاتون کسٹمر کا کہنا تھا کہ وہ سوچ بھی نہیں سکتیں کہ ہوٹل میں کسی غریب ویٹر کو گولی مار کر ہلاک کیا جائے گا۔
مقامی افراد کا کہنا تھا کہ حالیہ دنوں میں شورلی گرینڈ کے علاقے میں منشیات بیچنے والوں نے ڈیرا ڈالا ہوا ہے جس کی وجہ سے اس طرح کے واقعات رونما ہورہے ہیں۔
