The news is by your side.

مذاق میں غلط نام پکارنے پر دوست نے دوست کو قتل کر ڈالا

نارروال : دوست نے دوست کو مذاق میں غلط نام سے پکارنے پر قتل کرڈالا اور لاش کوجھاڑیوں میں پھینک دیا۔

تفصیلات کے مطابق پنجاب کے ضلع نارووال میں تھانہ نورکوٹ کے علاقہ میں دوست نے دوست کو مذاق میں الٹے نام سے پکارنے پر قتل کر دیا۔

مقتول علی رضا اور قاتل عبداللہ 8 ویں جماعت کے طالب ہیں۔

پولیس نے بتایا کہ ملزم نے ابتدائی تفتیش میں پولیس کو اعتراف کیا ہے کہ مقتول علی رضا سکول کلاس میں مجھے عبداللہ کو مذاق کرتا، الٹے نام سے پکارتا تھا۔

حکام کے مطابق ملزم عبداللہ نے نام بگاڑنے پر مقتول علی رضا کے والد کو شکایت بھی کی، والد کو شکایت کرنے پر اس بات پر ان کا جھگڑا بھی ہوا۔

پولیس کا کہنا تھا کہ ملزم عبداللہ نے جھگڑے دوران اینٹ مار کر علی رضا کو بے ہوش کر دیا، بے حوش ہونے کے بعد تار سے گلا گھونٹ کر مار ڈالا۔

حکام نے مزید بتایا کہ ملزم نے قتل کرنے کے بعد دوست کو کیری ڈبہ میں ڈال کر جھاڑیوں میں پھینک دیا، مزید تفتیش جاری ہے۔

Comments

یہ بھی پڑھیں