تازہ ترین

دوستوں نے ذرا سی بات پر دوست کو اغواء کرکے قتل کردیا

راولپنڈی : دوستوں نے اپنے ہی دوست کو اغواء کرکے جان سے مار ڈالا، واقعہ لین دین کا شاخسانہ بتایا جارہا ہے۔

تفصیلات کے مطابق دولت کی ہوس نے رشتوں کو بھی بے معنی کردیا، راولپنڈی میں لین دین کے تنازعہ پردوستوں نے اپنے ہی دوست کو اغواء کرکے قتل کردیا, مقتول عبدالرحمان کو 2روز قبل تھانہ صدر واہ کےعلاقے نیو سٹی سے اغواء کیا گیا تھا۔

اس حوالے سے پولیس کا کہنا ہے کہ مغوی عبدالرحمان کے دوستوں نے اسے رسیوں سے باندھ کر بہیمانہ تشدد کرکے قتل کیا ہے، مقتول عبدالرحمان کی تشدد زدہ لاش اٹک سے ملی۔

راولپنڈی کے تھانہ صدر واہ پولیس نے قتل کے واقعے کا مقدمہ درج کرکے قاتلوں کی تلاش شروع کردی ہے لیا، پولیس نےمقدمے میں مقتول کے3دوستوں کو نامزد کیا ہے۔

پولیس حکام کا مزید کہنا ہے کہ مقتول عبدالرحمان کی لاش کو پوسٹ مارٹم کیلئے متعلقہ اسپتال بھجوا دیا ہے، رپورٹ کے بعد کارروائی کا دائرہ کار بڑھایا جائے گا۔

Comments

- Advertisement -