سوشل میڈیا پر سمندری مخلوق کی ویڈیو اکثر وائرل ہوجاتی ہیں جسے دیکھ کر صارفین دنگ رہ جاتے ہیں۔
ایسی ہی ایک ویڈیو سوشل میڈیا پر وائرل ہورہی ہے برطانیہ کے فرنی جزیرے میں سمندری بلی نے ایک اسکوبا ڈائیور کو گلے سے لگا لیا، ویڈیو کو اب تک لاکھوں صارفین دیکھ چکے ہیں۔
ویڈیو میں دیکھا جاسکتا ہے کہ سرمئی رنگ کی سمندری بلی اسکوبا ڈائیور کے پاس گئی اور اسے پانی کے اندر گلے سے لگا لیا۔
ویڈیو میں سمندری بلی کو بین برول کو گہرے پانی میں گلے سے لگاتے ہوئے دیکھا جاسکتا ہے جبکہ اسکوبا ڈائیور بھی سمندری مخلوق کو پیار کررہے ہیں اور اس کی پیٹھ تھپتھپا رہے ہیں۔
بین برول کا کہنا تھا کہ وہ تقریباً 20 سالوں سے اسکوبا ڈائیونگ کررہے ہیں اور اسی وجہ سے آبی حیات سے اچھی طرح واقف ہوگئے ہیں۔‘
This diver caught an adorable moment on video when a wild grey seal swam up and hugged him underwater. Ben Burville says he has been scuba diving in that area of the North Sea for nearly 20 years, and has become very familiar with the local seals as a result. pic.twitter.com/HtXOcAnPdU
— NowThis (@nowthisnews) October 14, 2021
سوشل میڈیا صارفین کی جانب سے ویڈیو کو پسند کیا جارہا ہے اور اس پر تبصرے بھی کیے جارہے ہیں۔
ایک صارف نے لکھا کہ ’ہماری طرح جانوروں کو بھی گلے لگنے کی ضرورت ہوتی ہے ان کے بھی احساسات ہوتے ہیں۔‘
ایک اور صارف نے لکھا کہ سمندری مخلوق انسانوں کی طرح گلے لگ رہی تھی یہ لمحہ بہت ہی حیران کن ہے۔‘
ایک تیسرے صارف نے لکھا کہ کاش ہم سب انسان اس کی طرح ہوجائیں اور ہم کوشش کریں کے ایک دوسرے کو تکلیف نہ پہنچائیں۔‘