مراکش میں خشک کنویں میں گرِ کر زندگی کی بازی ہارنے والے 5 سالہ معصوم بچے کی دردناک موت نے جہاں دنیا بھر کر لوگوں کو رنجیدہ کیا ہے وہیں بچے کی زندگی سے جڑے لمحات سامنے آنے پر شہری افسردہ ہیں۔
ریان کو ہزاروں افراد کی موجودگی میں سپردخاک تو کر دیا گیا لیکن اس کی یادیں اب بھی تازہ ہیں۔ معصوم بچے کی قبر کے قریب بیٹھا کتا اب بھی ریان کی موت کا غم نہیں بھلا پایا ہے اور وہ اس کی قبر کے قریب بیٹھا ہے۔
https://twitter.com/ranaahmed2929/status/1489587941148139523?s=20&t=Kq0UNMM8Wk32rlixP_PsGg
تدفین کے بعد جب کتے پر لوگوں کی نظر پڑی جو کہ ریان کی قبر کے قریب غمگین حالت میں بیٹھا تھا تو اس پر تبصرے شروع ہو گئے۔ اہل خانہ کے اور عینی شاہدین نے اس متعلق بتایا کہ یہ کتا آوارہ ہے لیکن اکثر ریان اس کے ساتھ کھیلا کرتا تھا۔
میڈیا کو بتایا گیا کہ ریان جہاں بھی جاتا تو یہ کتا اس کے ساتھ نظر آتا اگر یوں کہا جائے کہ یہ ریان کا پالتو تھا تو غلط نہ ہوگا، اس کے ساتھ ساتھ ریان کے پاس ایک بیکری بھی تھی اور اس نے بلی بھی پالی ہوئی تھی۔
ریان مراکش کے شمال میں 32 میٹر گہرے ایک خشک کنوئیں میں گر گیا تھا، امدادی کارکن کئی دنوں سے اسے نکالنے کی کوششیں کر رہے تھے، ریان کو کنوئیں سے نکالے جانے کا منظر بھی مراکشی ٹی وی نے براہ راست دکھایا۔
Very sad for death of #Rayan, my condolences to his family & all #Morocco. The news of death of Rayan broke hearts of millions around the world. Meanwhile world conscience MUST be shaken to death of thousands of children by starvation & bomb of #UAE & #SaudiArabia in #Yemen#ريان pic.twitter.com/EZhKpC01RB
— Mahmoud Refaat (@DrMahmoudRefaat) February 5, 2022
ریان گزشتہ کئی دنوں سے ٹوئٹر پر ٹاپ ٹرینڈ بنے رہے، دنیا بھر سے لوگوں نے اس کے لیے پیغامات بھیجے، پھر اس کی موت کی خبر نے عوام الناس سمیت ممتاز شخصیات کو بھی گہرے دکھ سے دوچار کر دیا، مراکش کے بادشاہ محمد نے بھی محل کی طرف سے جاری کردہ ایک بیان میں لڑکے کے والدین سے تعزیت کا اظہار کیا۔