The news is by your side.

Advertisement

کل سے تمام تعلیمی اداروں میں مرحلہ وار تدریسی عمل کا آغاز

اسلام آباد : نیشنل کمانڈ اینڈ سینٹر کا کہنا ہے کہ کل سےتمام تعلیمی ادارےمرحلہ وار کھولنے جارہے ہیں ، والدین اوراساتذہ احتیاطی تدابیر کاخیال رکھیں۔

تفصیلات کےمطابق نیشنل کمانڈ اینڈ سینٹر نے تعلیمی ادارے کھلنے کے حوالے سے کہا کہ کل سےتمام تعلیمی ادارے مرحلہ وار کھولے جارہے ہیں، والدین اور اساتذہ احتیاطی تدابیر کا خیال رکھیں۔

این سی اوسی کا کہنا ہے کہ بچوں کوماسک پہناکراسکول روانہ کریں چاہےکپڑے کاہی کیوں نہ ہو، طبیعت زیادہ خراب ہوتوبچے کا فوری ٹیسٹ کرایا جائے، ٹیسٹ مثبت آنے کی صورت میں اسکول کو مطلع کیا جائے۔

ترجمان نے مزید کہا کہ بچوں کے درمیان سماجی فاصلہ برقرار رکھیں اور یقین کریں کہ بچےہاتھ باقاعدگی سے دھوئیں اور سینی ٹائزراستعمال کریں۔

این سی اوسی کے مطابق بچوں کو لے جانے والے ڈرائیور گاڑیوں میں سماجی فاصلہ یقینی بنائیں، گاڑی میں بٹھاتے وقت یقین کرلیں کہ بچوں نے فیس ماسک پہنے ہوں۔

یاد رہے وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا تھا کہ لاکھوں بچوں کواسکول واپسی پر خوش آمدید کہتےہیں، ہر بچےکا بحفاظت اسکول جانا یقینی بنانا ہماری ترجیح اوراجتماعی ذمہ داری ہے، ہم نے تدریسی سرگرمیوں کوصحت عامہ قواعد سےہم آہنگ بنانےکاخاص اہتمام کیا ہے۔

Comments

یہ بھی پڑھیں