دبئی : پاکستان اورانگلینڈ کے درمیان ون ڈے سیریز میں انٹرنیشنل کرکٹ کونسل (آئی سی سی ) نے نیا تجربہ کرنے کا فیصلہ کیا ہے۔
فیصلے کے مطابق فرنٹ فٹ نو بال کی اطلاع فیلڈ امپائر نہیں تھرڈ امپائر دے گا۔ پہلی بارپاکستان اور انگلینڈ کے درمیان بدھ کو کھیلے جانے والے ایک روزہ کرکٹ میچ میں یہ تجربہ کیا جائے گا۔
قوانین کے مطابق کرکٹ میچ میں بولرز کی جانب سے ہونے والی فرنٹ فٹ نو بال فیلڈ امپائر دیتے تھے لیکن چوبیس اگست سے کھیلی جانے والی پاک انگلینڈ ون ڈے سیریز میں آئی سی سی نے یہ ذمہ داری ٹی وی امپائر کو دینے کا اعلان کیا ہے۔
فیصلے کے مطابق تھرڈ امپائر چار کیمرں کی مدد سے پیجر گھڑی کے ذریعے نوبال کی اطلاع فیلڈ امپائر کو دے گا۔ فیلڈ امپائر نے ہاتھ میں پیجرگھڑی پہن رکھی ہوگی، جو نو بال ہونے والے پر وائبریٹ کرے گی۔
انٹرنیشنل کرکٹ کونسل کا کہنا ہے کہ فیلڈ امپائر تھرڈ امپائر کے حکم کے بغیر فرنٹ فٹ نوبال نہیں دے سکے گا،لیکن اگر کیمرے دستیاب نہیں ہوں تو فیصلہ ان فیلڈ امپائرکریں گے۔
نئے تجربے کی آزمائش چوبیس اگست سے شروع ہونے والی پاک انگلینڈ ون ڈے سیریز میں کی جائے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں