site
stats
پاکستان

مہنگے پھلوں کیخلاف فروٹ بائیکاٹ مہم کا آج دوسرا روز

کراچی : مہنگے پھلوں کیخلاف سوشل میڈیا سے شروع ہونے والی فروٹ بائیکاٹ مہم کا آج دوسرا روز ہے، کراچی سمیت لاہور اور پشاور کے شہری بھی مہم کاحصہ بن رہے ہیں، مہم کل تک جاری رہے گی۔

تفصیلات کے مطابق منافع خوروں کو سبق سکھانے کے لیے مہنگے پھل نہ خریدنے کا عزم شہریوں نے مہم کے ذریعے کیا، عوامی مہم جو سوشل میڈیا پر چلائی گئی، اثر دکھانے لگی، دوسرے روز بھی مہنگے پھلوں کا بائیکاٹ جاری ہے۔

گزشتہ روزکراچی میں مہم کے آغاز کیساتھ ہی پھل فروشوں کا نقصان شروع ہوگیا، مہم کے پہلے روز مارکیٹوں میں گاہکوں کا رش نہ ہونے کے برابر رہا، حیدرآباد میں بھی پھل نہ لینے کی مہم کیلئے نوجوانوں نے جمعے کی نماز کے بعد پمفلٹ تقسیم کیے۔

لاہور میں بھی ماہ مبارک میں پھل شہریوں کی پہنچ سے باہر ہوگئے، پھل فروشوں نے شکوہ کیا کہ پشاور میں انتظامیہ اقدامات نہیں، شہریوں کو پریشان کرتی ہے۔

شہریوں کا کہنا ہے کہ مہنگے پھلوں کے خلاف سوشل میڈیا پرشروع ہونے والی مہم بڑے شہروں کے ساتھ ملک کے دیگرشہروں بھی زور پکڑ رہی ہے۔


مزید پڑھین : کراچی : 3 روزہ پھل بائیکاٹ مہم کا آغاز


یاد رہے کہ کراچی کے عوام نے مہنگا پھلوں کا ازخود نوٹس لیتے ہوئے شہریوں سے پھل نہ خریدنے کی اپیل کی تھی، فیس بک ،ٹوئٹر اور واٹس اپس پر شیئر ہونے والے پیغام میں کہا گیا تھا کہ جمعہ ، ہفتہ اور اتوار احتجاجاً مہنگا فروٹ نہ خریدے جائیں جبکہ سوشل میڈیا پر لوگوں کی بڑی تعداد اس ہڑتال میں حصہ لینے کا عندیہ دیا اور اس پیغام کوزیادہ سے زیادہ اپنی وال پر شیئر بھی کیا جارہا ہے۔

کراچی میں کمشنر اور صوبائی وزیر اطلاعات ناصر شاہ سمیت سماجی اور سیاسی شخصیات نے بھی اس مہم کی حمایت کردی جس کے بعد شہریوں نے پھلوں کی قیمتیں گھٹانے کیلئے مہنگے پھل نہ خریدنے کا تہیہ کرلیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top